വടകര: എസ്എൻഡിപി യോഗം ചോറോട് ഈസ്റ്റ് ശാഖ മാങ്ങോട്ടു പാറയിൽ പണികഴിപ്പിച്ച ശ്രീനാരായണഗുരു മന്ദിരം ഉദ്ഘാടനം നവംബർ 10ന് നടക്കും. പരിപാടി വിജയിപ്പിക്കാൻ ചേർന്ന ജനറൽ ബോഡി യോഗം 51 അംഗ കമ്മിറ്റിക്ക് രൂപം നൽകി. യൂണിയൻ സെക്രട്ടറി പി.എം.രവീന്ദ്രന്‍ യോഗം ഉദ്ഘാടനം ചെയ്തു. ഓരോ ശാഖയിലും ഗുരുമന്ദിരം
യാഥാർഥ്യമാക്കുമെന്ന് രവീന്ദ്രൻ പറഞ്ഞു. ഷീജ പവിത്രൻ്റെ വീട്ടിൽ നടന്ന യോഗത്തിൽ ശാഖ പ്രസിഡന്റ് രാജേഷ്.ടി.കെ അധ്യക്ഷത വഹിച്ചു. യൂണിയൻ വൈസ് പ്രസിഡന്റ് കെ.ടി.ഹരിമോഹൻ, ഡയരക്ടർ ബോർഡ് മെമ്പർ ചന്ദ്രൻ ചാലിൽ എന്നിവർ സംസാരിച്ചു. ശാഖാ സെക്രട്ടറി ബിപി പ്രമോദ് സ്വാഗതം പറഞ്ഞു.
