വടകര: അഞ്ചു ദിവസങ്ങളായി സംഘടിപ്പിക്കുന്ന വടകര സഹോദയ കലോത്സവത്തിൻ്റെ സ്റ്റേജിതര മത്സരങ്ങൾ ഒക്ടോബർ അഞ്ച്, ആറ് തിയ്യതികളിൽ പതിയാരക്കര അമൃത പബ്ലിക് സ്‌കൂളിൽ നടക്കും. 17, 18, 19 തീയതികളിലാണ് സ്റ്റേജ് മത്സരങ്ങളെന്ന് സംഘാടകര് വാർത്താസമ്മേളനത്തിൽ അറിയിച്ചു. നാല്പത് സ്കൂ‌ളുകളിൽ നിന്ന് അഞ്ചു കാറ്റഗറികളിലായി
രണ്ടായിരത്തോളം കലാപ്രതിഭകൾ മത്സരത്തിൽ മാറ്റുരയ്ക്കും. എഴുത്തും ചിത്രരചനയുമാണ് നാളേയും മറ്റെന്നാളും നടക്കുക. കലോത്സവത്തിൻ്റെ ഔപചാരിക ഉദ്ഘാടനം ഒക്ടോബർ 18 ന് രാവിലെ 9 മണിക്ക് നടക്കും. കലോത്സവത്തിൽ ഒന്നും രണ്ടും സ്ഥാനം കരസ്ഥമാക്കുന്ന വിദ്യാർത്ഥികൾ പാലക്കാട് അഹല്യ പബ്ലിക് സ്‌കൂളിൽ നടക്കുന്ന സംസ്ഥാന
കലോത്സവത്തിൽ മത്സരിക്കാൻ അർഹത നേടും.വാർത്താസമ്മേളനത്തിൽ വടകര സഹോദയ പ്രസിഡൻ്റ് സുനിൽ കുഞ്ഞിതയ്യിൽ, ജനറൽ സെക്രട്ടറി സ്മിതനമ്പ്യാർ, ചീഫ് പാട്രൺ ഗീതലക്ഷ്‌മി സത്യനാഥൻ എന്നിവർ പങ്കെടുത്തു.
