വടകര: വടകര കേന്ദ്രീകരിച്ച് കലാ- സാംസ്കാരിക- വിദ്യാഭ്യാസ രംഗങ്ങളിൽ പ്രവർത്തിക്കുന്ന മടപ്പള്ളി കോളജ് പൂർവ വിദ്യാർഥി കൂട്ടായ്മയായ ‘ സിമാക് ‘ ആഭിമുഖ്യത്തിൽ വടകര കൊയിലാണ്ടി, തലശ്ശേരി താലൂക്കുകളിലെ യു പി. ഹൈസ്കൂൾ വിഭാഗം വിദ്യാർഥികൾക്ക് വേണ്ടി മെഗാക്വിസ് മത്സരം സംഘടിപ്പിക്കുന്നു. നവംബർ 10 ന് വടകര മുനിസിപ്പൽ ടൗൺഹാളിൽ ആണ് ഇന്ത്യ പിന്നിട്ട വർഷങ്ങൾ എന്ന വിഷയത്തെ അടിസ്ഥാനമാക്കിയുള്ള മത്സരം.
1, 2, 3 സ്ഥാനങ്ങൾ നേടുന്ന വിജയികൾക്ക് യഥാക്രമം 3000, 2000, 1000 രൂപ വീതം കാഷ് അവാർഡ് സമ്മാനിക്കും. കൂടുതൽ മാർക്ക് നേടുന്ന ആദ്യ പത്ത് പേർക്ക് പ്രോത്സാഹന സമ്മാനങ്ങൾ നൽകും. ഏറ്റവും കൂടുതൽ വിദ്യാർത്ഥികളെ പങ്കെടുപ്പിക്കുന്ന വിദ്യാലയത്തിന് പ്രത്യേക സമ്മാനവും നൽകും. ഒക്ടോബർ 10 മുതൽ ഗൂഗിൾ ഫോം വഴി അപേക്ഷകൾ സ്വീകരിക്കും.
ഇന്ത്യയെ അറിയുക എന്ന പേരിൽ നടക്കുന്ന മെഗാ ക്വിസ് 24′ മത്സര പരിപാടിയുടെ വിജയകരമായ നടത്തിപ്പിന് വേണ്ടി സ്വാഗതസംഘം രൂപവൽകരിച്ചു. മുനിസിപ്പൽ പാർക്ക് ഓഡിറ്റോറിയത്തിൽ സിമാക് വൈ.പ്രസിഡണ്ട് ഡോ. അമ്മുക്കുട്ടി കെ.പി യുടെ അധ്യക്ഷതയിൽ ചേർന്ന യോഗം 51 അംഗ സ്വാഗതസംഘത്തിന് രൂപം നല്‍കി.
ഭാരവാഹികൾ: ചെയർമാൻ-ഇ.സി പ്രകാശൻ, ചീഫ് കോഡിനേറ്റർ-ഡോ. അമ്മുക്കുട്ടി കെ.പി, കൺവീനർ-ബാബു ബാലവാടി, ഖജാൻജി-ശ്രീകുമാർ പി.വി.
ഭാരവാഹികൾ: ചെയർമാൻ-ഇ.സി പ്രകാശൻ, ചീഫ് കോഡിനേറ്റർ-ഡോ. അമ്മുക്കുട്ടി കെ.പി, കൺവീനർ-ബാബു ബാലവാടി, ഖജാൻജി-ശ്രീകുമാർ പി.വി.
യോഗത്തിൽ സിമാക് സെക്രട്ടറി മുരളീധരൻ കെ സ്വാഗതവും ട്രഷറർ ശ്രീകുമാർ പി.വി നന്ദിയും പറഞ്ഞു
