വടകര: ദി കേരള സ്റ്റേറ്റ് ഭാരത് സ്കൗട്ട്സ് & ഗൈഡ്സ് വടകര ജില്ലാ അസോസിയേഷൻ പയ്യോളി ടി എസ് ജി ബി എച്ച് എസ് എസിൽ വച്ച് ജില്ലാ സെമിനാർ സംഘടിപ്പിച്ചു.
വടകര ഡി.ഇ.ഒ രേഷ്മ എം സെമിനാർ ഉദ്ഘാടനം ചെയ്തു .ജില്ലാ പ്രസിഡൻ്റ് പി.പി.കുഞ്ഞമ്മദ് അധ്യക്ഷത വഹിച്ച പരിപാടിയിൽ സ്റ്റേറ്റ് കമ്മീഷണർ സലോമി അഗസ്റ്റിൻ മുഖ്യപ്രഭാഷണം നടത്തി. സ്റ്റേറ്റ് ഓർഗനൈസിംഗ് കമ്മീഷണർ സി.പി.ബാബുരാജൻ സി.കെ. നാരായണൻ
നായർ എൻഡോവ്മെൻ്റ് ഓർക്കാട്ടേരി കെ.കെ.എം.ജി.വി.എച്ച്.എസ്.എസിലെ കെ.കാശിനാഥിന് നൽകി കൊണ്ട് നിർവ്വഹിച്ചു. സി കെ നാരായണൻ നായർ അനുസ്മരണപ്രഭാഷണം ജില്ലാ കമ്മീഷണർ സി കെ മനോജ് കുമാർ നിർവഹിച്ചു
അസിസ്റ്റൻറ് സ്റ്റേറ്റ് കമ്മീഷണർ സി കെ ഫൈസൽ ഹയർ സെക്കൻ്ററി വിഭാഗത്തിലെ സംസ്ഥാന തല സി.എം ഷീൽഡ് വിതരണം ചെയ്തു. ജില്ലാ സെക്രട്ടറി പി പ്രവീൺ സ്വാഗതം
ആശംസിച്ച ചടങ്ങിൽ അസോസിയേഷൻ്റെ സംസ്ഥാന അവാർഡുകൾ നേടിയ സ്കൗട്ട്, ഗൈഡ് അധ്യാപകരെ ചടങ്ങിൽ ആദരിച്ചു. പയ്യോളി ടിഎസ് ജി.ബി എച്ച്.എസ് ഹെഡ്മാസ്റ്റർ സൈനുദീൻ പി., ജില്ലാ കമ്മീഷണർമാരായ ജിഷ. കെ. കെ , ശശി പി എം , സുരേഷ് കുമാർ, ഉഷശ്രീ , ശിൽപ്പ സി. ജില്ലാ ഭാരവാഹികൾ എന്നിവർ സംസാരിച്ചു.
