നാദാപുരം: വയോജന ദിനത്തില്‍ നൂറ് തികഞ്ഞവരെ വീട്ടിലെത്തി ആദരിക്കാന്‍ കുരുന്നുകളും. ജാതിയേരി എംഎല്‍പി 
സ്‌കൂളിലെ വിദ്യാര്‍ഥികളാണ് പി.ടി.എ, എം.പി.ടി.എ, അധ്യാപകര്‍ എന്നിവരോടൊപ്പം വിവിധ വിടുകള്‍ സന്ദര്‍ശിച്ച് ആദരിക്കല്‍ ചടങ്ങില്‍ പങ്കുചേര്‍ന്നത്. കരിയാടന്‍ കണ്ടി പൊക്ക്ണന്‍, മുഞ്ഞോട്ടുതറമ്മല്‍ അയിശു ഹജജുമ്മ, പൊയില്‍ മൊയ്തു ഹാജി എന്നിവരെയാണ് ആദരിച്ചത്. സ്‌കൂള്‍ ലീഡര്‍ പാടാച്ചേരി ഷാസിന്‍ മിര്‍സാന്‍, അസി. ലീഡര്‍ വടക്കേ പെരുവാന്‍ കണ്ടി ഷൈഖ ഫാത്തിമ എന്നിവരുടെ നേതൃത്വത്തിലുള്ള വിദ്യാര്‍ഥി കൂട്ടായ്മയും, പി.ടിഎ പ്രസിഡന്റ് അഹമ്മദ് കുറുവയില്‍ ,എം.പി.ടി.എ പ്രസിഡന്റ് ഹസീന റഷീദ് എരഞ്ഞോളി, ഹെഡ്മാസ്റ്റര്‍ എ.റഹിം, അധ്യാപകരായ സി.വി.താഹിറ, സി.എം.സഫീന, പി.അമിത്, എം.പി സുനിത, മുഹമ്മദ് മുഹ്താര്‍ എന്നിവര്‍ പങ്കെടുത്തു.
