സത്യവാങ്മൂലത്തിനൊപ്പമുള്ള റിപ്പോർട്ടിലാണ് ഭീമൻ കണക്കുകളുടെ വിശദ വിവരങ്ങളുള്ളത്. ഒരു മൃതദേഹം സംസ്‌കരിക്കുന്നതിന് 75,000 രൂപയാണ് ചെലവെന്ന് റിപ്പോര്‍ട്ടില്‍ പറയുന്നു. ഇത്തരത്തില്‍ 359 മൃതദേഹങ്ങള്‍ സംസ്‌കരിക്കുന്നതിന് രണ്ട് കോടി 76 ലക്ഷം രൂപയാണ് ചെലവ്.ദുരിതാശ്വാസ ക്യാമ്പിലുള്ളവരുടെ വസ്ത്രങ്ങള്‍ക്കായി 11 കോടി രൂപയാണ് ചെലവെന്നു കണക്ക് സൂചിപ്പിക്കുന്നു. എന്നാല്‍ ദുരിത ബാധിതര്‍ക്കായുളള വസ്ത്രങ്ങള്‍ നാടിന്‍റെ വിവിധ ഭാഗങ്ങളില്‍ നിന്നു ശേഖരിച്ച് നല്‍കിയിരുന്നു. നേരത്തെ, ആവശ്യത്തിലേറെ വസ്ത്രങ്ങള്‍ ലഭിച്ചിട്ടുണ്ടെന്നായിരുന്നു മുഖ്യമന്ത്രിയടക്കം പറഞ്ഞിരുന്നത്
വൊളണ്ടിയര്‍മാരുടെ വണ്ടിക്കും ഭക്ഷണത്തിനും 14 കോടി രൂപയാണ് ചെലവ്. ഇവരുടെ ഗതാഗതത്തിന് മാത്രം നാലുകോടി
രൂപയാണ് ചെലവ് കണക്കാക്കിയിട്ടുള്ളത്‌. വൊളണ്ടിയേഴ്സിന് യൂസര്‍ കിറ്റ് നല്‍കിയ വകയില്‍ രണ്ട് കോടി 98 ലക്ഷം രൂപ.
ബെയ്‌ലി പാലത്തിന്‍റെ നിര്‍മാണത്തിന് ഒരുകോടി രൂപ. 17 ദുരിതാശ്വാസ ക്യാമ്പുകളില്‍ 30 ദിവസത്തേക്ക് ജനറേറ്ററിന്‍റെ ചെലവ് ഏഴ് കോടി എന്നിങ്ങനെയാണ് സര്‍ക്കാര്‍ സത്യവാംഗ്മൂലത്തില്‍ പറയുന്നത്.
ഇന്ത്യന്‍ എയര്‍ ഫോഴ്സിന് എയര്‍ ലിഫ്റ്റിംഗ് ഹെലികോപ്ടറിനായി 17 കോടി. ദുരിതബാധിതരെ ഒഴിപ്പിക്കാന്‍ വണ്ടികള്‍ ഉപയോഗിച്ച വകയില്‍ 12 കോടി. മിലിട്ടറി, വൊളണ്ടിയര്‍മാര്‍ എന്നിവരുടെ മെഡിക്കല്‍ സൗകര്യങ്ങള്‍ നല്‍കിയ വകയില്‍ രണ്ട് കോടി. ഇവരുടെ താമസ സൗകര്യങ്ങള്‍ ഒരുക്കിയ വകയില്‍ 15 കോടി. ഭക്ഷണ ആവശ്യങ്ങള്‍ക്ക് 10 കോടി. ജെസിബി, ഹിറ്റാച്ചി, ക്രെയിന്‍ എന്നിവയ്ക്കായി15 കോടി എന്നിങ്ങനെയാണ് കണക്ക്.
