വട്ടോളി: കസേരകളി, ഉറിയടി, ബലൂണ്‍ കില്ലിങ്ങ്, വടംവലി, ഗാനാലാപനം, പൂക്കളം തീര്‍ക്കല്‍, തിരുവാതിര മുതലായ
വൈവിധ്യമാര്‍ന്ന പരിപാടികളുമായി നാട്ടിന്‍പുറങ്ങളില്‍ ഓണാഘോഷം പൊടിപൊടിച്ചു. മഴ മാറി നിന്ന തെളിഞ്ഞ അന്തരിക്ഷം ഒന്നിച്ച് കൂടാനും കലാ-കായികവാസനകള്‍ പുറത്തെടുക്കാനും നല്ല അവസരമായി.
അമ്പലക്കുളങ്ങര മൂയ്യോട്ട്ചാല്‍ പ്രദേശത്ത് നടന്ന ഓണാഘോഷത്തിന് ധാരാളം പേര്‍ ഒത്തുകൂടി. പരിപാടികളില്‍ പ്രായഭേദമന്യേ 
ആളുകള്‍ അണിനിരന്നു. അരുണ്‍ മൂയ്യോട്ട്, രാഹുല്‍ തവിടോറ, വി.എം.ശ്രീജ എന്നിവര്‍ നേതൃത്വം നല്‍കി.
‘കൈതപൂ മണമെന്തേ ചഞ്ചലാക്ഷി
ഇന്ന് നിന്‍ മാരന്‍ വന്നു മധുരം തന്നു……….
എന്ന തിരുവാതിരയുമായി വട്ടോളിയില്‍ കാവ്യയും കൂട്ടരും ചുവടുവെച്ചു. കുന്നുമ്മല്‍ഭഗവതി, അമ്പലക്കുളങ്ങര ശ്രീ പാര്‍വ്വതി, വട്ടോളി ശിവക്ഷേത്രം എന്നിവിടങ്ങളില്‍ രാവിലെ ഭക്തരുടെ നല്ല തിരക്ക് അനുഭവപ്പെട്ടു.
-ആനന്ദന്‍ എലിയാറ
