ചോറോട്: കേരള സർക്കാരിൻ്റെ നൂറ് ദിന കർമപരിപാടിയുടെ ഭാഗമായി നാഷണൽ ആയുഷ്മീഷൻ,ഭാരതീയ ചികിത്സാ വകുപ്പ് ചോറോട് ഗ്രാമ പഞ്ചായത്തും ആയുഷ് പിഎച്ച്സി യും സംയുക്തമായി വയോജന മെഡിക്കൽ ക്യാമ്പ് സംഘടിപ്പിച്ചു. ചോറോട് കെ.എ.എം യുപി സ്കൂളിൽ വച്ച് നടന്ന ക്യാമ്പ് ഗ്രാമപഞ്ചായത്ത് പ്രസിഡൻ്റ് പി.പി ചന്ദ്രശേഖരൻ ഉദ്ഘാടനം ചെയ്തു. ചടങ്ങിൽ മധുസൂദനൻ വികസന കാര്യ കമ്മിറ്റി ചെയർമാൻ സ്വാഗതം പറഞ്ഞു. ആരോഗ്യ സ്റ്റാൻഡിങ് കമ്മിറ്റി ചെയർമാൻ നാരായണൻ അധ്യക്ഷത വഹിച്ച ചടങ്ങിൽ
പ്രസാദ് വിലങ്ങിൽ ഡോ. എം.ടി മോഹൻ ദാസ്, ഡോ. ശ്രീശ് എന്നിവർ സംസാരിച്ചു. ഡോ. എസ്.എൻ സൂരജ് ബോധവൽക്കരണ ക്ലാസ് എടുത്തു. സി.കെ പ്രസീത നന്ദി പറഞ്ഞു. ക്യാമ്പിൻ്റെ ഭാഗമായി നൂറ് പേർക്ക് രക്ത പരിശോധനയും നടത്തി.
