ഒഞ്ചിയം: രൂക്ഷമായ ശുദ്ധജല ക്ഷാമം നേരിടുന്ന തീര പ്രദേശങ്ങളിൽ മത്സ്യത്തൊഴിലാളികളുടെ വീടുകളിൽ ശുദ്ധ ജലം സംഭരിച്ച് വെക്കാൻ ഒഞ്ചിയം ഗ്രാമ പഞ്ചായത്ത് 2024-25 വാർഷിക പദ്ധതിയിൽ ഉൾപെടുത്തി മത്സ്യത്തൊഴിലാളികൾക്ക് പിവിസി വാട്ടർ ടാങ്ക് നൽകി. തീരദേശത്തെ 57 മത്സ്യത്തൊഴിലാളി കുടുംബങ്ങൾക്കാണ്
ശുദ്ധജല ടാങ്ക് വിതരണം ചെയ്യുന്നത്. 500ലിറ്റർ സംഭരണ ശേഷിയുള്ള ഗുണനിലവാരമുള്ള വാട്ടർ ടാങ്ക് വിതരണ ഉദ്ഘാടനം ഗ്രാമ പഞ്ചായത്ത് പ്രസിഡൻറ് പി.ശ്രീജിത്ത് നിർവഹിച്ചു. ഫീഷറീസ് ഓഫിസർ ബാബു സ്വാഗതം പറഞ്ഞു. പഞ്ചായത്ത് സെക്രട്ടറി റിജുൽ രാജ് വാർഡ് മെമ്പർ മാരായ ജയരാജൻ, പ്രമീള സാഗർമിത്രകൾ അനുലാൽ പി, സിന്ദൂര കെ കെ ,അമിത അശോക് എന്നിവർ പങ്കെടുത്തു.
