ന്യൂഡൽഹി: ബ്രിക്സ് ഉച്ചകോടിയിലും ഉഭയകക്ഷി ചർച്ചകളിലും പങ്കെടുക്കുന്നതിനായി റഷ്യൻ പ്രസിഡന്റ് വ്ലാദിമിർ പുടിൻ ഡൽഹിയിലെത്തി. പാലം വിമാനത്താവളത്തിലെത്തിയ പു
ടിനെ ഇന്ത്യൻ വിദേശകാര്യ മന്ത്രാലയത്തിലെ ഉന്നത ഉദ്യോഗസ്ഥരും റഷ്യൻ നയതന്ത്ര പ്രതിനിധികളും ചേർന്ന് സ്വീകരിച്ചു.
പ്രധാനമന്ത്രി നരേന്ദ്ര മോദിയുമായി പുടിൻ സുപ്രധാന ഉഭയകക്ഷി ചർച്ചകൾ നടത്തും. പ്രതിരോധ സഹകരണം, ഊർജപങ്കാളിത്തം, വ്യാപാര ബന്ധങ്ങളുടെ വിപുലീകരണം തുടങ്ങിയ വിഷയങ്ങൾ ചർച്ചയാക്കുമെന്ന് റിപ്പോർട്ടുകളുണ്ട്. മാറിവരുന്ന ആഗോള ഭൗമരാഷ്ട്രീയ സാഹചര്യത്തിൽ ഇന്ത്യ-റഷ്യ തന്ത്രപ്രധാന പങ്കാളിത്തം കൂടുതൽ ശക്തിപ്പെടുത്തുന്നതിലും ചർ
ച്ചയുണ്ടാകും.
ഇറാന്‍ പ്രസിഡന്റ് മസൂദ് പെസെഷ്‌കിയാനുമായും പ്രധാനമന്ത്രി നരേന്ദ്രമോദി ഇന്ന് ഉഭയകക്ഷി ചര്‍ച്ച നടത്തും. ബ്രിക്സ് ഉച്ചകോടിയില്‍ പങ്കെടുക്കുന്നതിനാണ്
ലോകനേതാക്കള്‍ ഇന്ത്യയില്‍ എത്തിയിരിക്കുന്നത്.
ആഗോള സാമ്പത്തിക വ്യവസ്ഥയിലെ മാറ്റങ്ങൾ, പ്രാദേശിക സുരക്ഷ, വികസ്വര രാജ്യങ്ങൾ തമ്മിലുള്ള സാമ്പത്തിക സഹകരണം തുടങ്ങിയ വിഷയങ്ങൾ ഉച്ചകോടിയിൽ പ്രധാന ചർച്ചയാകും. ബ്രിക്സ് ഉച്ചകോടിയുടെ ഭാഗമായി മറ്റ് അംഗരാജ്യങ്ങളിലെ നേതാക്കളുമായും പുടിൻ കൂടിക്കാഴ്ച നടത്തും.
