കോഴിക്കോട്: സംസ്ഥാനത്ത് ചുട്ടുപൊള്ളുന്ന ചൂടിന് ശമനമില്ലാത്ത സ്ഥിതി. 12 ജില്ലകളിലാണ് ഇന്ന് യെല്ലോ അലേര്ട്ട്. ഉയര്ന്ന ചൂട് പാലക്കാട്. ഏപ്രില് 11 വരെ കേരളത്തില് സാധാരണനിലയെക്കാള് രണ്ടുഡിഗ്രി സെല്ഷ്യസ് മുതല് നാലു ഡിഗ്രിവരെ ചൂട് കൂടുമെന്ന് കേന്ദ്ര കാലാവസ്ഥാവകുപ്പ്.
ഇടുക്കി, വയനാട് ഒഴികയുള്ള ജില്ലകളിലാണ് ഇന്ന് യെല്ലോ അലേര്ട്ട്. ദിനംപ്രതി ചൂട് കൂടുന്നതോടെ ചൂടില് അതീവ ജാഗ്രത പാലിക്കണമെന്ന് ദുരന്തനിവാരണ അതോറിറ്റിയും മുന്നറിയിപ്പ് നല്കിയിട്ടുണ്ട്. പകല് 12 മുതല് ഉച്ചക്ക് മൂന്ന് വരെ സൂര്യപ്രകാശം ഏല്ക്കുന്നത് ഒഴിവാക്കണം.
സൂര്യാഘാത ഭീഷണി നിലനില്ക്കുന്നതിനാല് ജാഗ്രത മുന്നറിയിപ്പുകള് പാലിക്കണമെന്നും ദുരന്തനിവാരണ അതോറിറ്റിയും ആരോഗ്യവകുപ്പും നിര്ദേശം നല്കുന്നു.
അതിനിടെ കള്ളക്കടല് പ്രതിഭാസത്തെ തുടര്ന്ന് കേരള തീരത്ത് ഉയര്ന്ന തിരമാലയ്ക്കും കടലാക്രമണത്തിനും സാധ്യതയെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം മുന്നറിയിപ്പ് നല്കുന്നു.