കൊയിലാണ്ടി: സ്നാപ്ചാറ്റിലൂടെ പരിചയപ്പെട്ട യുവതിയുടെ സ്വകാര്യ ചിത്രങ്ങളും വീഡിയോകളും പ്രചരിപ്പിക്കുകയും ഭീഷണിപ്പെടുത്തുകയും ചെയ്ത കേസില് യുവാവ് 
അറസ്റ്റില്. കൊയിലാണ്ടി കുറുവങ്ങാട് എന്.കെ. അനന്ദുവിനെയാണ് (22) വിദേശത്തേക്ക് കടക്കെവെ മലപ്പുറം തിരൂരങ്ങാടി പൊലീസ് അറസ്റ്റ് ചെയ്തത്.
യുവതിയെ ഭീഷണിപ്പെടുത്തി സ്നാപ്ചാറ്റ് അക്കൗണ്ടിന്റെ പാസ്വേഡ് കൈക്കലാക്കിയ ശേഷമാണ് പ്രതി സ്വകാര്യ ചിത്രങ്ങളും വീഡിയോകളും പ്രചരിപ്പിച്ചതെന്ന് പൊലീസ് പറഞ്ഞു. യുവതിയുടെ പരാതിയുടെയും മൊഴിയുടെയും അടിസ്ഥാനത്തിലാണ് 
കേസെടുത്തത്.
വിദേശത്തേക്ക് പോകാന് ശ്രമിക്കുമ്പോഴാണ് തിരൂരങ്ങാടി സിഐ പ്രദീപ്കുമാറിന്റെ നേതൃത്വത്തില് എസ്ഐ സഫുവാന്, എഎസ്ഐമാരായ സുബൈര്, സതീഷ്, മഞ്ജുഷ എന്നിവര് ഉള്പ്പെട്ട സംഘം പ്രതിയെ അറസ്റ്റ് ചെയ്തത്. നിയമനടപടികള് പൂര്ത്തിയാക്കി കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
