കോഴിക്കോട്: ലോക്സഭാ തെരഞ്ഞെടുപ്പിനായി ജില്ലയില് ഇന്ന് (ശനി) ഒരാള് കൂടി നാമനിര്ദേശ പത്രിക നല്കി. കോഴിക്കോട് മണ്ഡലത്തിലെ യുഡിഎഫ് സ്ഥാനാര്ഥി എം.കെ.രാഘവനാണ് പത്രിക സമര്പിച്ചത്. വരണാധികാരിയായ കലക്ടര് സ്നേഹില്കുമാര് സിംഗ് മുന്പാകെയാണ് പത്രിക നല്കിയത്. വടകര ലോകസഭാ മണ്ഡലത്തില് ഇന്ന് ആരും പത്രിക സമര്പിച്ചില്ല. ലോക്സഭാ തെരഞ്ഞെടുപ്പിന് ഏപ്രില് നാലു വരെ നാമനിര്ദേശ പത്രിക സമര്പിക്കാം.
സ്ഥാനാര്ഥിക്ക് നേരിട്ടോ പിന്തുണയ്ക്കുന്നയാള്ക്കോ നാമനിര്ദ്ദേശ പത്രിക നല്കാവുന്നതാണ്. വരണാധികാരിക്കോ പ്രത്യേകം നിശ്ചയിക്കപ്പെട്ട ഉപവരണാധികാരിക്കോ ആണ് പത്രിക നല്കേണ്ടത്. കോഴിക്കോട് മണ്ഡലത്തിന്റെ വരണാധികാരി ജില്ലാ തെരഞ്ഞെടുപ്പ് ഉദ്യോഗസ്ഥന് കൂടിയായ കലക്ടര് സ്നേഹില് കുമാര് സിംഗും ഉപവരണാധികാരി സബ് കലക്ടര് ഹര്ഷില് ആര്.മീണയുമാണ്.
എഡിഎം കെ.അജീഷാണ് വടകര മണ്ഡലത്തിന്റെ വരണാധികാരി. ഉപവരണാധികാരി വടകര ആര്ഡിഒ അന്വര് സാദത്ത് പി.
രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. നെഗോഷ്യബിള് ഇന്സ്ട്രുമെന്റ്സ് ആക്ട് പ്രകാരം അവധി ദിനങ്ങളായ മാര്ച്ച് 31, എപ്രില് ഒന്ന് തിയ്യതികളില് പത്രിക നല്കല് ഉണ്ടാകില്ല. സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തിയ്യതി ഏപ്രില് എട്ട്.