തിരുവനന്തപുരം: അസഹ്യമായ കൊടും ചൂടില് എരിപൊരി കൊള്ളുകയാണ് നാട്. വേനല് മഴ ഇനിയും ശക്തമാകാത്തത് സ്ഥിതി സങ്കീര്ണമാക്കുന്നു. അതുകൊണ്ടുതന്നെ ഉയര്ന്ന താപനില മുന്നറിയിപ്പ് പല ജില്ലകളിലും തുടരുകയാണ്. സംസ്ഥാനത്ത് 9 ജില്ലകളിലാണ് ഉയര്ന്ന താപനില മുന്നറിയിപ്പായ മഞ്ഞ അലര്ട്ട് പ്രഖ്യാപിച്ചിരിക്കുന്നത്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്, പാലക്കാട്, കോഴിക്കോട്, കണ്ണൂര് ജില്ലകളില് മാര്ച്ച് 31 വരെയാണ് ഉയര്ന്ന താപനില മുന്നറിയിപ്പ്. ഈ ജില്ലകളില് മലയോര മേഖലകളിലൊഴികെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.
31 വരെ കൊല്ലം, തൃശൂര്, പാലക്കാട് ജില്ലകളില് ഉയര്ന്ന താപനില 38°C വരെയും പത്തനംതിട്ട ജില്ലയില് ഉയര്ന്ന താപനില 37°C വരെയും ആലപ്പുഴ, കോട്ടയം, എറണാകുളം, കോഴിക്കോട്, കണ്ണൂര് ജില്ലകളില് ഉയര്ന്ന താപനില 36°C വരെയും (സാധാരണയെക്കാള് 2-3 °C കൂടുതല്) ഉയരാന് സാധ്യതുണ്ടെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. ഉയര്ന്ന താപനിലയും ഈര്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ 31 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നാണ് അറിയിപ്പ്.