നാദാപുരം: സമസ്ത കേരള ജംഇയ്യത്തുല് ഉലമ സെക്രട്ടറി പേരോട് അബ്ദുറഹ്മാന് സഖാഫിയുടെ ഇരുപത്തിരണ്ടാം വാര്ഷിക സപ്തദിന പ്രഭാഷണത്തിന് നാദാപുരം പ്രകാശതീരം നഗരിയില് പ്രൗഢോജ്വല സമാപനം. വിശുദ്ധ ഖുര്ആനിലെ സൂറത്തു അത്തഗാബുന് പ്രമേയമായ സപ്തദിന പ്രഭാഷണം ശ്രവിക്കാന് നാടിന്റെ വിവിധ ഭാഗങ്ങളില് നിന്നായി ആയിരങ്ങളാണ് എത്തിച്ചേര്ന്നത്. സമൂഹത്തില് വര്ധിച്ചുവരുന്ന അധാര്മികതയും യുവാക്കളിലേക്ക് കടന്നുവരുന്ന സാംസ്കാരിക അപചയവും സാമുദായിക മഹല്ല് നേതൃത്വങ്ങള് തിരിച്ചറിയണമെന്നും സംസ്കരണത്തിനാവശ്യമായ ഇടപെടലുകളും ബോധവല്ക്കരണവും നടത്തണമെന്നും പേരോട് അബ്ദുറഹ്മാന് സഖാഫി ആവശ്യപ്പെട്ടു.
ഏഴു ദിവസങ്ങളിലായി നടന്ന പരിപാടിയില് അഖിലേന്ത്യ സുന്നി ജംഇയ്യത്തുല് ഉലമ ജനറല് സെക്രട്ടറി കാന്തപുരം എ.പി.അബൂബക്കര് മുസലിയാര്, എസ്വൈഎസ് സംസ്ഥാന പ്രസിഡന്റ് സയ്യിദ് ത്വാഹാ തങ്ങള് സഖാഫി, സയ്യിദ് ഹുസൈന് സഖാഫി തളീക്കര, മുത്തലിബ് സഖാഫി പാറാട്, ഇബ്രാഹീം സഖാഫി കുമ്മോളി, മുനീര് സഖാഫി ഓര്ക്കാട്ടേരി, ഇസ്മായില് സഖാഫി തിനൂര്, റഷീദ് മുസലിയാര് ആയഞ്ചേരി, സയ്യിദ് സൈനുല് ആബിദീന് തങ്ങള് പൂക്കോട്ടൂര്, ഹുസൈന് കുന്നത്ത്, പുന്നോറത്ത് അമ്മദ് ഹാജി, നാദാപുരം ഗ്രാമപഞ്ചായത്ത് പ്രസിഡന്റ് വി വി മുഹമ്മദലി തുടങ്ങിയവര് സംബന്ധിച്ചു.