ജനകീയ കാലാവസ്ഥ നിരീക്ഷണം: പരിശീലനം സംഘടിപ്പിച്ചു

കക്കട്ടില്‍: പ്രധാനമന്ത്രി കൃഷി സിഞ്ചായി യോജനയും (പിഎംകെഎസ്‌വൈ) കുന്നുമ്മല്‍ ബ്ലോക്ക് പഞ്ചായത്തും സംയുക്തമായി നടപ്പിലാക്കുന്ന ജനകീയ കലാവസ്ഥ നീരീക്ഷണവുമായി ബന്ധപ്പെട്ട് പഠന പരീശീലനം നടത്തി. പാറക്കല്‍ അബ്ദുള്ള എംഎല്‍എ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.ശശീന്ദ്രന്‍, ബ്ലോക്ക് പഞ്ചായത്ത് സെക്രട്ടറി പി.അമ്പിളി, പഞ്ചായത്ത് പ്രസിഡന്റുമാരായ ടി.കെ.മോഹന്‍ദാസ്, കെ.എം.സതി, മേഘ പൊയിലുപറമ്പില്‍, വികസന സ്റ്റാന്‍ഡിങ് ചെയര്‍മാന്‍ പി.സി.രവീന്ദ്രന്‍, ജനപ്രതിനിധികളായ ടി.എം.ജമീല, റീന സുരേഷ്, എം.പി.കുഞ്ഞിരാമന്‍, വനിതാ ക്ഷേമം ഏക്സ്റ്റന്‍ഷന്‍ ഓഫിസര്‍ പി.പി.മുരളിധരന്‍, ഡോ. സുമ (ഡയരകര്‍ ഓഫ് പ്രോഗ്രാം & റിസര്‍ച്ച് ഹ്യും സെന്റര്‍ കല്‍പറ്റ) മുതലായവര്‍ പ്രസംഗിച്ചു. ടീം ലോറന്‍സ് & മേയോ പരിശീലനത്തിന് നേതൃത്വം നല്‍കി. ജനപ്രതിനിധികള്‍ക്കും സന്നദ്ധ പ്രവര്‍ത്തകര്‍ക്കുമാണ് പരിശീലനം നല്‍കിയത്.