ആയഞ്ചേരി: റഹ്മാനിയ ഹയര് സെക്കന്ററി സ്കൂളിന്റെ വിമുക്തി കേഡറ്റ് പദ്ധതിയുടെ ഭാഗമായി നടപ്പാക്കുന്ന ‘ലഹരിയില്ലാ ആയഞ്ചേരി’ ക്യാമ്പയിന്റെ ഒമ്പതാം വാര്ഡ് തല 
ഉദ്ഘാടനം തറോപ്പൊയില് നമ്പര് വണ് എല്പി സ്കൂളില് നടന്നു. വാര്ഡ് മെമ്പര് വിനീത് കുമാര് ഉദ്ഘാടനം നിര്വഹിച്ചു.
എഡിഎസ് ചെയര്പേഴ്സണ് ചന്ദ്രിക ടി.കെ അധ്യക്ഷത വഹിച്ചു. പ്രോഗ്രാം കോ-ഓര്ഡിനേറ്റര് പി.കെ. അസീസ് ലഹരിവിരുദ്ധ ബോധവല്ക്കരണ ക്ലാസിന് നേതൃത്വം നല്കി. ജസ്ന പി.വി. ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. വാര്ഡ് വികസന സമിതി കണ്വീനര് കൃഷ്ണന് ടി, ആശാ വര്ക്കര് രജനി ടി, എന്നിവര് ആശംസകള് നേര്ന്നു. ശോഭ ടി. സ്വാഗതവും സുനിത നന്ദിയും പറഞ്ഞു
റഹ്മാനിയ ഹയര് സെക്കന്ററി സ്കൂള് വിമുക്തി കേഡറ്റ് പദ്ധതിയുടെ ഭാഗമായി 
കുടുംബശ്രീയുടെ സഹകരണത്തോടുകൂടി വാര്ഡ് തലങ്ങളില് ‘ലഹരിയില്ലാ ആയഞ്ചേരി’ ക്യാമ്പയിന് നടപ്പാക്കിവരികയാണ്. ഓരോ വാര്ഡിലെയും കുടുംബശ്രീ യൂണിറ്റുകളില് നിന്ന് തെരഞ്ഞെടുക്കപ്പെട്ട അംഗങ്ങള്ക്കാണ് ലഹരിവിരുദ്ധ ബോധവല്ക്കരണ പരിശീലനം നല്കുന്നത്. ഇവര് പിന്നീട് വാര്ഡ് തലത്തില് ബോധവല്ക്കരണ പ്രവര്ത്തനങ്ങള്ക്കും ജനകീയ ക്യാമ്പയിനുകള്ക്കും നേതൃത്വം നല്കും. ലഹരിയുടെ ദൂഷ്യഫലങ്ങളെക്കുറിച്ച് പൊതുജനങ്ങളില് അവബോധം വളര്ത്തുകയും ലഹരിമുക്ത സമൂഹം സൃഷ്ടിക്കുകയുമാണ് പദ്ധതിയുടെ ലക്ഷ്യം.
