ചെമ്മരത്തൂർ: സംസ്ഥാന സർക്കാർ പ്രഖ്യാപിച്ച സമഗ്ര ഗുണമേന്മ പദ്ധതിയുടെ ഭാഗമായി സമഗ്ര ശിക്ഷ കോഴിക്കോട് , തോടന്നൂർ ബി ആർ സി പരിധിയിലെ ചെമ്മരത്തൂർ എൽപി സ്കൂളിൽ നടത്തിവരുന്ന പര്യാപ്ത 2024 ന്റെ ഭാഗമായി സംഘടിപ്പിച്ച കോർണർ പി ടി എ സമാപിച്ചു. കപ്പള്ളി ഭാഗം ,വെങ്ങാല താഴെ, ഫീനിക്സ് വായനശാല, കണ്ണോത്ത് ഭാഗം, ചാപ്പൊയിൽ മുക്ക് എന്നീ അഞ്ചു ഭാഗങ്ങളിലാണ് കോർണർ പി ടി എ നടന്നത്
ലൈബ്രറി ശാക്തീകരണത്തിന്റെ ഭാഗമായി ‘വാനോളം വായന’ എന്ന പേരിൽ ‘അന്നത്തെ
വായന’,( മുതിർന്നവർ വായനാനുഭവം പങ്കുവെക്കുന്നു)’ചലോ ലൈബ്രറി’
( വിദ്യാർഥികളും രക്ഷിതാക്കളും പ്രാദേശിക ഗ്രന്ഥശാലകൾ സന്ദർശിക്കുന്നു)
‘പുസ്തക ചങ്ങാത്തം’,’എന്റെ വായന’, ‘മധുര വായന’,’എഴുത്തു കൂട്ടം’തുടങ്ങി വിവിധ പരിപാടികൾ പര്യാപ്തയുടെ ഭാഗമായി വിദ്യാലയത്തിൽ നടന്നുവരുന്നു.
വിവിധ കോർണറുകളിലായി നടന്ന പി ടി എ യോഗത്തിൽ സ്കൂൾ ഹെഡ്മിസ്ട്രസ് വിദ്യ
ആർ.കെ അധ്യക്ഷത വഹിച്ചു ബി ആർ സി ക്ലസ്റ്റർ കോഡിനേറ്റർ യൂനുസ് പര്യാപ്ത 2014 പദ്ധതി വിശദീകരിച്ചു. പ്രിൻസി കെ എം, നവനീത് ഗോപി, നവനീത് ഡി എസ്, ലീന സി,ഷൈലജ കെ പി ടി എ പ്രസിഡണ്ട് അതുല്യ രജീഷ്, എം പി ടി എ പ്രസിഡൻറ് ശ്രുതി ബിജീഷ്എന്നിവർ സംബന്ധിച്ചു. ഈ മാസം27ന് ‘വാനോളം വായന’ (ലൈബ്രറി ശാക്തീകരണ പരിപാടി) തോടന്നൂർ ബി പി സി സുരേന്ദ്രൻ വി എം ഉദ്ഘാടനം ചെയ്യും.
