വടകര: ലിങ്ക് റോഡില്‍ ബസുകള്‍ പാര്‍ക്ക് ചെയ്ത് ആളുകളെ കയറ്റുന്നതിന് പകരം പഴയ സ്റ്റാന്റിലേക്ക് പാര്‍ക്കിംഗ് മാറ്റണമെന്നും 
ഇല്ലെങ്കില്‍ ശക്തമായ സമരവുമായി മുന്നോട്ടു പോകുമെന്നും യൂത്ത് കോണ്‍ഗ്രസ് മുന്നറിയിപ്പു നല്‍കി.
ലിങ്ക് റോഡിലെ അപകടത്തില്‍ സ്ത്രീ മരണപ്പെടാന്‍ കാരണം നഗരസഭയുടെയും പോലീസിന്റെയും അശാസ്ത്രീയമായ ട്രാഫിക് പരിഷ്‌കാരമാണെന്ന് യൂത്ത് കോണ്‍ഗ്രസ് ആരോപിച്ചു. നിര്‍മാണ ഘട്ടത്തില്‍ തന്നെ റോഡിന്റെ അശാസ്ത്രീയതയെ പറ്റി ധാരാളം പരാതികള്‍ ഉയര്‍ന്നിരുന്നുവെങ്കിലും അതൊന്നും പരിഗണിക്കാതെയും പ്രശ്‌നങ്ങള്‍ പരിഹരിക്കാതെയും റോഡ് തുറന്നുകൊടുത്ത നഗരസഭയാണ് മരണത്തിന് ഉത്തരവാദി എന്നും യൂത്ത് കോണ്‍ഗ്രസ് കുറ്റപ്പെടുത്തി. ഗതാഗതക്കുരുക്ക് നിയന്ത്രിക്കുക എന്ന
ലക്ഷ്യത്തോടെ ലിങ്ക് റോഡ് വഴി ഗതാഗത പരിഷ്‌കരണം നടപ്പിലാക്കിയതോടെ നഗരത്തില്‍ ഗതാഗതക്കുരുക്ക് രൂക്ഷമായി എന്ന് മാത്രമല്ല ലിങ്ക് റോഡില്‍ അപകടവും വര്‍ധിച്ചു. ലിങ്ക് റോഡിന്റെ അശാസ്ത്രീയത പരിഹരിച്ചതിനുശേഷം മാത്രമേ ഗതാഗതത്തിന് അനുവാദം നല്‍കാവൂ എന്നും ലിങ്ക് റോഡ് വഴിയുള്ള ഗതാഗത പരിഷ്‌കരണം പിന്‍വലിക്കണമെന്നും യൂത്ത് കോണ്‍ഗ്രസ് നിയോജകമണ്ഡലം പ്രസിഡന്റ് സി.നിജിന്‍ ആവശ്യപ്പെട്ടു.
ഇല്ലെങ്കില്‍ ശക്തമായ സമരവുമായി മുന്നോട്ടു പോകുമെന്നും യൂത്ത് കോണ്‍ഗ്രസ് മുന്നറിയിപ്പു നല്‍കി.ലിങ്ക് റോഡിലെ അപകടത്തില്‍ സ്ത്രീ മരണപ്പെടാന്‍ കാരണം നഗരസഭയുടെയും പോലീസിന്റെയും അശാസ്ത്രീയമായ ട്രാഫിക് പരിഷ്‌കാരമാണെന്ന് യൂത്ത് കോണ്‍ഗ്രസ് ആരോപിച്ചു. നിര്‍മാണ ഘട്ടത്തില്‍ തന്നെ റോഡിന്റെ അശാസ്ത്രീയതയെ പറ്റി ധാരാളം പരാതികള്‍ ഉയര്‍ന്നിരുന്നുവെങ്കിലും അതൊന്നും പരിഗണിക്കാതെയും പ്രശ്‌നങ്ങള്‍ പരിഹരിക്കാതെയും റോഡ് തുറന്നുകൊടുത്ത നഗരസഭയാണ് മരണത്തിന് ഉത്തരവാദി എന്നും യൂത്ത് കോണ്‍ഗ്രസ് കുറ്റപ്പെടുത്തി. ഗതാഗതക്കുരുക്ക് നിയന്ത്രിക്കുക എന്ന
ലക്ഷ്യത്തോടെ ലിങ്ക് റോഡ് വഴി ഗതാഗത പരിഷ്‌കരണം നടപ്പിലാക്കിയതോടെ നഗരത്തില്‍ ഗതാഗതക്കുരുക്ക് രൂക്ഷമായി എന്ന് മാത്രമല്ല ലിങ്ക് റോഡില്‍ അപകടവും വര്‍ധിച്ചു. ലിങ്ക് റോഡിന്റെ അശാസ്ത്രീയത പരിഹരിച്ചതിനുശേഷം മാത്രമേ ഗതാഗതത്തിന് അനുവാദം നല്‍കാവൂ എന്നും ലിങ്ക് റോഡ് വഴിയുള്ള ഗതാഗത പരിഷ്‌കരണം പിന്‍വലിക്കണമെന്നും യൂത്ത് കോണ്‍ഗ്രസ് നിയോജകമണ്ഡലം പ്രസിഡന്റ് സി.നിജിന്‍ ആവശ്യപ്പെട്ടു.
