വടകര: സംസ്ഥാന ബജറ്റില്‍ കുറ്റ്യാടി നിയോജകമണ്ഡലത്തിന് അര്‍ഹമായ പരിഗണന. 12.75 കോടി രൂപയുടെ പദ്ധതികളാണ് വകയിരുത്തിയിട്ടുള്ളത്.
കാര്‍ഷിക-ജലസേചന, ഗതാഗത മേഖലകളിലാണ് പ്രധാനമായും ഫണ്ട് നീക്കിവെച്ചത്.
കുറ്റ്യാടി ഗ്രാമപഞ്ചായത്തിലെ കാര്‍ഷിക മേഖലയില്‍ വലിയ പങ്കു വഹിക്കുന്ന മാമ്പള്ളി താഴെ തോട് സംരക്ഷണവും വിസിബി പുനരുദ്ധാരണവും- (കുറ്റ്യാടി ഗ്രാമപഞ്ചായത്ത് ) പ്രവര്‍ത്തിക്കായി ഒരകു കോടി രൂപ അനുവദിച്ചു. മണിയൂര്‍ ഗ്രാമപഞ്ചായത്തിലെ ചെരണ്ടത്തൂര്‍ പാടശേഖരങ്ങളിലെ ജലവിതാനം ക്രമീകരിക്കുന്ന വെങ്ങാടിക്കല്‍ പമ്പിങ് സ്റ്റേഷന്‍ പുനര്‍നിര്‍മ്മാണംത്തിന് 75 ലക്ഷം രൂപ വകയിരുത്തി.
വില്യാപ്പള്ളിയെയും ചെമ്മരത്തൂരിനെയും ബന്ധിപ്പിക്കുന്ന വില്ല്യാപ്പള്ളി-ചെമ്മരത്തൂര്‍ റോഡ് ബിഎം ബിസി നിലവാരത്തില്‍
CREATOR: gd-jpeg v1.0 (using IJG JPEG v62), quality = 80
പൂര്‍ത്തീകരിക്കുന്നതിനായി മൂന്നു കോടി രൂപ അനുവദിച്ചു. തിരുവള്ളൂരിനെയും ആയഞ്ചേരിയും ബന്ധിപ്പിക്കുന്ന തിരുവള്ളൂര്‍-ആയഞ്ചേരി റോഡ് ബിഎം ബിസി നിലവാരത്തില്‍ പൂര്‍ത്തീകരിക്കുന്നതിനായി 1.5 കോടി, എസ് മുക്ക് വള്ള്യാട്-കോട്ടപ്പള്ളി-തിരുവള്ളൂര്‍ റോഡ് നിര്‍മാണത്തിനു 2.5 കോടി,
ആയഞ്ചേരി തെരു-കല്ലുംപുറം റോഡ് ബിഎം ബിസി നിലവാരത്തിലേക്ക് ഉയര്‍ത്താന്‍ നാലു കോടി എന്നിവയാണ് അനുവദിച്ച പദ്ധതികള്‍.
ബജറ്റില്‍ കുറ്റ്യാടി നിയോജകമണ്ഡലത്തിന് അര്‍ഹമായ പരിഗണന നല്‍കിയ മുഖ്യമന്ത്രിക്കും ധന മന്ത്രിക്കും കെ.പി.കുഞ്ഞമ്മത് കുട്ടി എംഎല്‍എ നന്ദി രേഖപ്പെടുത്തി.
വകയിരുത്തിയിട്ടുള്ളത്.
