നാദാപുരം :അക്കാദമിക്ക് വർഷത്തിന്റെ അവസാന കാലഘട്ടത്തിൽ കുട്ടികളുടെ
പഠനനിലവാരം ഉയർത്താൻ എന്ന പേരിൽ നടത്തുന്ന സ്കൂൾ മോണിറ്ററിംഗ് അധ്യാപകർക്ക് ദ്രോഹകരമാകരുതെന്നും അതിൻ്റെ പേരിൽ അധ്യാപകരെ ക്രൂശിക്കാൻ അനുവദിക്കില്ലെന്നും കെപിഎസ്ടിഎ റവന്യൂ ജില്ലാ സെക്രട്ടറി ഇ.കെ. സുരേഷ് കുമാർ പറഞ്ഞു. കെപിഎസ്ടിഎ നാദാപുരം ഉപജില്ലാ സമ്മേളനം കല്ലാച്ചിയിൽ ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങിൽ ഈ പ്രകാശൻ അധ്യക്ഷത വഹിച്ചു. നാദാപുരം പഞ്ചായത്ത് പ്രസിഡണ്ട് വി.വി. മുഹമ്മദാലി മുഖ്യാതിഥിയായി. പി.രഞ്ജിത്ത്കുമാർ, കെ.എം. രഘുനാഥ് , വി.വി. റിനീഷ് , സി.പി.അഖിൽ, വി.സജീവൻ, കെ.മാധവൻ, പി. രാജീവൻ, യു.കെ. വിനോദ് കുമാർ എന്നിവർ സംസാരിച്ചു. 
സബ്ജില്ലാ പുതിയ ഭാരവാഹികളായി കെ.ലിബിത്ത് (പ്രസിഡൻറ്), സി.പി. അഖിൽ (സെക്രട്ടറി), ബി. സന്ദീപ് (ട്രഷറർ) എന്നിവരെ തിരഞ്ഞെടുത്തു.
