വടകര: ‘കാഫിര്’ സ്ക്രീന് ഷോട്ട് വിവാദത്തില് ഡി വൈ എഫ് ഐയുടെ വിശദീകരണ യോഗം ഇന്ന് വൈകുന്നേരം 5 മണിക്ക് ബേങ്ക് റോഡ് വച്ച് നടക്കും. വടകര ബ്ലോക്ക് കമ്മറ്റിയാണ് പരിപാടി സംഘടിപ്പിക്കുന്നത്. ‘കാഫിര്’ സ്ക്രീന് ഷോട്ട് ആദ്യമായി ഇടത് അനുകൂല വാട്സാപ് ഗ്രൂപ്പിലേക്ക് പോസ്റ്റ് ചെയ്തത് ഡി വൈ എഫ് ഐ വടകര ബ്ലോക്ക് പ്രസിഡന്റ് റിബേഷ് രാമകൃഷ്ണനാണെന്ന പൊലീസ് റിപ്പോർട്ട് യു ഡി എഫ് വലിയ തോതിൽ സി പി
എമ്മിനെതിരെ പ്രചരണായുധമാക്കിയിരുന്നു. ഈ പശ്ചാത്തലത്തിലാണ് വിശദീകരണ യോഗം സംഘടിപ്പിക്കാന് ഡി വൈ എഫ് ഐ തീരുമാനിച്ചത്. വ്യാജ സ്ക്രീന് ഷോട്ട് പ്രചരിപ്പിച്ചവരെ പൊലീസ് സംരക്ഷിക്കുകയാണെന്ന് ആരോപിച്ച് യു ഡി എഫ് നാളെ എസ് പി ഓഫീസ് മാര്ച്ചും പ്രഖ്യാപിച്ചിട്ടുണ്ട്.
അതിനിടെ ‘കാഫിര്’ സ്ക്രീന് ഷോട്ട് വിവാദത്തില് മുസ്ലീം ലീഗ് സംസ്ഥാന സെക്രട്ടറി പാറക്കല് അബ്ദുള്ളക്ക് ഡി വൈ എഫ് ഐ നേതാവ് റിബേഷ് രാമകൃഷ്ണന് വക്കീല് നോട്ടസയച്ചിരുന്നു. തനിക്കെതിരെ വ്യാജ പ്രചാരണം നടത്തി സമൂഹത്തില് വേര്തിരിവുണ്ടാക്കാന് ശ്രമിച്ചതിന് ഖേദപ്രകടനം നടത്തിയില്ലെങ്കില് നിയമ നടപടി സ്വീകരിക്കുമെന്ന് കാട്ടിയാണ് വക്കീല് നോട്ടീസ് അയച്ചത്. ഹൈക്കോടതിയില് സമര്പ്പിച്ച പൊലീസ് റിപ്പോര്ട്ടിലെ കാര്യമാണ് പറഞ്ഞതെന്നും അതിന് പൊലീസിനാണ് വക്കീല് നോട്ടീസയക്കേണ്ടതെന്നുമായിരുന് നു പാറക്കല് അബ്ദുള്ളയുടെ പ്രതികരണം.