വട്ടോളി: ജല്‍ജീവന്‍ മിഷന്‍ കുടിവെള്ള പദ്ധതിക്കു വേണ്ടി കുന്നുമ്മല്‍ ഗ്രാമപഞ്ചായത്തിലെ നാലു വാര്‍ഡുകളില്‍ നിന്നു മാത്രം 
ഗുണഭോക്തൃ വിഹിതം ഈടാക്കിയതില്‍ അമര്‍ഷവുമായി ആക്ഷന്‍ കമ്മിറ്റി. ഇങ്ങനെ പിരിച്ചെടുത്ത തുക തിരിച്ചു കൊടുക്കാനാവില്ലെന്ന പഞ്ചായത്തിന്റെ നിലപാട് ജനങ്ങളോടുള്ള വെല്ലുവിളിയാണെന്ന് ആക്ഷന്‍ കമ്മിറ്റി അഭിപ്രായപ്പെട്ടു. 14 ലക്ഷം രൂപയാണ് പിരിച്ചെടുത്തത്.
പദ്ധതി ആരംഭിച്ചിട്ട് നാല് വര്‍ഷമായിട്ടും ജനങ്ങളില്‍ നിന്ന് പിരിച്ചെടുത്ത തുക വാട്ടര്‍ അതോറിറ്റിക്ക് കൈമാറിയിട്ടില്ല. നാലു വാര്‍ഡുകളില്‍ നിന്നു മാത്രം ഗുണഭോക്തൃ വിഹിതം കൈപ്പറ്റാന്‍ വാട്ടര്‍ അതോറിറ്റി ആവശ്യപ്പെട്ടു എന്ന പഞ്ചായത്തിന്റെ അവകാശവാദം വിശ്വാസയോഗ്യമല്ല. വാട്ടര്‍ അതോറിറ്റി ആവശ്യപ്പെടാത്തതുകൊണ്ടാണ് നാല് വര്‍ഷമായിട്ടും തുക പഞ്ചായത്തിന്റെ തനത് ഫണ്ടില്‍ത്തന്നെ കിടക്കുന്നത്. സര്‍ക്കാറിലേക്ക് അടച്ചിട്ടില്ലാത്തതുകൊണ്ട് തുക തിരിച്ചു നല്‍കാന്‍
പഞ്ചായത്തിന് സാങ്കേതിക ബുദ്ധിമുട്ടില്ല. ഒരു വിഭാഗം ഗുണഭോക്താക്കളില്‍ നിന്ന് മാത്രം വിഹിതം ഈടാക്കിയ പഞ്ചായത്തിന്റെ വിവേചനപരമായ നടപടിയെയാണ് ഗുണഭോക്താക്കള്‍ ചോദ്യം ചെയ്യുന്നത്. അതിന് മറുപടി പറയാതെ തുക തിരിച്ചു കൊടുക്കില്ലെന്ന നിലപാട് സ്വേച്ഛാധിപത്യപരമാണെന്ന് ആക്ഷന്‍ കമ്മിറ്റി അഭിപ്രായപ്പെട്ടു.
യോഗത്തില്‍ പി.വി.സാഗര്‍ അധ്യക്ഷത വഹിച്ചു. അഡ്വ.ടി.നാരായണന്‍ വട്ടോളി, രാജഗോപാലന്‍ കാരപ്പറ്റ, ഇ.സി.ബാലന്‍, എം.രാജന്‍, കെ.കെ. പുരുഷോത്തമന്‍, എന്‍.കെ.പൊക്കന്‍, വി.കെ.മമ്മു, പി.കെ.ആമദ്, ഡല്‍ഹി കേളപ്പന്‍, കെ.കെ.ശാന്താ കൃഷ്ണന്‍ എന്നിവര്‍ സംസാരിച്ചു.
ഗുണഭോക്തൃ വിഹിതം ഈടാക്കിയതില്‍ അമര്‍ഷവുമായി ആക്ഷന്‍ കമ്മിറ്റി. ഇങ്ങനെ പിരിച്ചെടുത്ത തുക തിരിച്ചു കൊടുക്കാനാവില്ലെന്ന പഞ്ചായത്തിന്റെ നിലപാട് ജനങ്ങളോടുള്ള വെല്ലുവിളിയാണെന്ന് ആക്ഷന്‍ കമ്മിറ്റി അഭിപ്രായപ്പെട്ടു. 14 ലക്ഷം രൂപയാണ് പിരിച്ചെടുത്തത്.പദ്ധതി ആരംഭിച്ചിട്ട് നാല് വര്‍ഷമായിട്ടും ജനങ്ങളില്‍ നിന്ന് പിരിച്ചെടുത്ത തുക വാട്ടര്‍ അതോറിറ്റിക്ക് കൈമാറിയിട്ടില്ല. നാലു വാര്‍ഡുകളില്‍ നിന്നു മാത്രം ഗുണഭോക്തൃ വിഹിതം കൈപ്പറ്റാന്‍ വാട്ടര്‍ അതോറിറ്റി ആവശ്യപ്പെട്ടു എന്ന പഞ്ചായത്തിന്റെ അവകാശവാദം വിശ്വാസയോഗ്യമല്ല. വാട്ടര്‍ അതോറിറ്റി ആവശ്യപ്പെടാത്തതുകൊണ്ടാണ് നാല് വര്‍ഷമായിട്ടും തുക പഞ്ചായത്തിന്റെ തനത് ഫണ്ടില്‍ത്തന്നെ കിടക്കുന്നത്. സര്‍ക്കാറിലേക്ക് അടച്ചിട്ടില്ലാത്തതുകൊണ്ട് തുക തിരിച്ചു നല്‍കാന്‍
പഞ്ചായത്തിന് സാങ്കേതിക ബുദ്ധിമുട്ടില്ല. ഒരു വിഭാഗം ഗുണഭോക്താക്കളില്‍ നിന്ന് മാത്രം വിഹിതം ഈടാക്കിയ പഞ്ചായത്തിന്റെ വിവേചനപരമായ നടപടിയെയാണ് ഗുണഭോക്താക്കള്‍ ചോദ്യം ചെയ്യുന്നത്. അതിന് മറുപടി പറയാതെ തുക തിരിച്ചു കൊടുക്കില്ലെന്ന നിലപാട് സ്വേച്ഛാധിപത്യപരമാണെന്ന് ആക്ഷന്‍ കമ്മിറ്റി അഭിപ്രായപ്പെട്ടു.യോഗത്തില്‍ പി.വി.സാഗര്‍ അധ്യക്ഷത വഹിച്ചു. അഡ്വ.ടി.നാരായണന്‍ വട്ടോളി, രാജഗോപാലന്‍ കാരപ്പറ്റ, ഇ.സി.ബാലന്‍, എം.രാജന്‍, കെ.കെ. പുരുഷോത്തമന്‍, എന്‍.കെ.പൊക്കന്‍, വി.കെ.മമ്മു, പി.കെ.ആമദ്, ഡല്‍ഹി കേളപ്പന്‍, കെ.കെ.ശാന്താ കൃഷ്ണന്‍ എന്നിവര്‍ സംസാരിച്ചു.
