നാദാപുരം: ഇന്‍സ്റ്റഗ്രാമിലൂടെ പരിചയപ്പെട്ട സ്ത്രീകളെ കബളിപ്പിച്ച് 20 പവന്‍ സ്വര്‍ണാഭരണം തട്ടിയെടുത്ത കേസില്‍ പ്രതി 
അറസ്റ്റില്‍. വടകര മയ്യന്നൂര്‍ സ്വദേശി പാലോള്ള പറമ്പത്ത് പി.പി.മുഹമ്മദ് നജീറിനെയാണ് (29) നാദാപുരം ഡിവൈഎസ്പി പി.പ്രമോദും സംഘവും അറസ്റ്റ് ചെയ്തത്. ചെക്യാട് താനക്കോട്ടൂര്‍ സ്വദേശിനിയുടെ പരാതിയിലാണ് നടപടി. കുറ്റ്യാടി ചെറിയ കുമ്പളം സ്വദേശിനിയെ കബളിപ്പിച്ച് 15 പവന്‍ തട്ടിയെടുത്തെന്ന പരാതിയില്‍ കുറ്റ്യാടി സ്റ്റേഷനില്‍ പ്രതിക്കെതിരെ മറ്റൊരു കേസും രജിസ്റ്റര്‍ ചെയ്തിട്ടുണ്ട്. രണ്ട് പരാതിക്കാരും അറസ്റ്റിലായ പ്രതിയെ തിരിച്ചറിഞ്ഞതായി പോലീസ് പറഞ്ഞു.
പഴയ ആഭരണങ്ങള്‍ക്ക് പകരം പുതിയത് നല്‍കാമെന്ന് വിശ്വസിപ്പിച്ചാണ് പ്രതി താനക്കോട്ടൂരിലെ യുവതിയെ കബളിപ്പിച്ച് സ്വര്‍ണാഭരണവുമായി മുങ്ങിയത്. തുടര്‍ന്ന് യുവതി നല്‍കിയ പരാതിയില്‍ ഇന്‍സ്റ്റഗ്രാം ഐഡിയുടെ ഉടമ ഷംനാദ് എന്നയാള്‍ക്കെതിരെ വളയം പോലീസ് കേസ് എടുക്കുകയായിരുന്നു എന്നാല്‍ ഷംനാദ് എന്ന പേരും വ്യാജമാണെന്ന് പോലീസ്
കണ്ടെത്തി. മൂന്ന് ലക്ഷത്തിലേറെ വില വരുന്ന സ്വര്‍ണാഭരണവുമായാണ് യുവാവ് മുങ്ങിയത്. ജ്വല്ലറി ഉടമയെന്ന് പരിചയപ്പെടുത്തിയ ഇയാള്‍ വില കൂടിയതും അപൂര്‍വവുമായ ആഭരണങ്ങളുടെ ശേഖരം ഉണ്ടെന്നും പഴയ ആഭരണങ്ങള്‍ക്ക് പകരം ഇവ നല്‍കാമെന്നുമായിരുന്നു ഇന്‍സ്റ്റഗ്രാം വഴി യുവതിക്ക് വാഗ്ദാനം നല്‍കിയത്. ഇതില്‍ ആകൃഷ്ടയായ യുവതി ആഭരണങ്ങള്‍ നല്‍കാമെന്ന് ഉറപ്പ് നല്‍കുകയും യുവാവിനോട് വീടിന് പരിസരത്ത് എത്താന്‍ ആവശ്യപ്പെടുകയും ആയിരുന്നു. തുടര്‍ന്ന് കഴിഞ്ഞ വെളളിയാഴ്ച്ച യുവാവ് പരാതിക്കാരിയുടെ വീടിന് സമീപം എത്തി ആഭരണങ്ങള്‍ യുവതിയില്‍ നിന്ന് വാങ്ങി. പകരം പണമടങ്ങിയ ബാഗ് എന്ന് പറഞ്ഞ് ഗിഫ്റ്റ് നല്‍കുകയും ചെയ്തു. വീട്ടിലെത്തി ഗിഫ്റ്റ് നല്‍കിയ ബാഗ് തുറന്ന് പരിശോധിച്ചപ്പോഴാണ് പണത്തിന് പകരം ഹല്‍വയും 100 രൂപയുടെ മിഠായിയും നല്‍കി വഞ്ചിച്ചതാണ് എന്ന് മനസ്സിലായത്. വടകര പോലീസ് സ്റ്റേഷനിലും 
പ്രതിക്കെതിരെ സമാനമായ പരാതിയില്‍ കേസ് ഉണ്ടായിരുന്നെങ്കിലും പ്രതി പരാതിക്കാരിക്ക് പണം നല്‍കി കേസ് പിന്‍വലിപ്പിച്ചതായി പോലീസ് പറഞ്ഞു.
അറസ്റ്റില്‍. വടകര മയ്യന്നൂര്‍ സ്വദേശി പാലോള്ള പറമ്പത്ത് പി.പി.മുഹമ്മദ് നജീറിനെയാണ് (29) നാദാപുരം ഡിവൈഎസ്പി പി.പ്രമോദും സംഘവും അറസ്റ്റ് ചെയ്തത്. ചെക്യാട് താനക്കോട്ടൂര്‍ സ്വദേശിനിയുടെ പരാതിയിലാണ് നടപടി. കുറ്റ്യാടി ചെറിയ കുമ്പളം സ്വദേശിനിയെ കബളിപ്പിച്ച് 15 പവന്‍ തട്ടിയെടുത്തെന്ന പരാതിയില്‍ കുറ്റ്യാടി സ്റ്റേഷനില്‍ പ്രതിക്കെതിരെ മറ്റൊരു കേസും രജിസ്റ്റര്‍ ചെയ്തിട്ടുണ്ട്. രണ്ട് പരാതിക്കാരും അറസ്റ്റിലായ പ്രതിയെ തിരിച്ചറിഞ്ഞതായി പോലീസ് പറഞ്ഞു.പഴയ ആഭരണങ്ങള്‍ക്ക് പകരം പുതിയത് നല്‍കാമെന്ന് വിശ്വസിപ്പിച്ചാണ് പ്രതി താനക്കോട്ടൂരിലെ യുവതിയെ കബളിപ്പിച്ച് സ്വര്‍ണാഭരണവുമായി മുങ്ങിയത്. തുടര്‍ന്ന് യുവതി നല്‍കിയ പരാതിയില്‍ ഇന്‍സ്റ്റഗ്രാം ഐഡിയുടെ ഉടമ ഷംനാദ് എന്നയാള്‍ക്കെതിരെ വളയം പോലീസ് കേസ് എടുക്കുകയായിരുന്നു എന്നാല്‍ ഷംനാദ് എന്ന പേരും വ്യാജമാണെന്ന് പോലീസ്
കണ്ടെത്തി. മൂന്ന് ലക്ഷത്തിലേറെ വില വരുന്ന സ്വര്‍ണാഭരണവുമായാണ് യുവാവ് മുങ്ങിയത്. ജ്വല്ലറി ഉടമയെന്ന് പരിചയപ്പെടുത്തിയ ഇയാള്‍ വില കൂടിയതും അപൂര്‍വവുമായ ആഭരണങ്ങളുടെ ശേഖരം ഉണ്ടെന്നും പഴയ ആഭരണങ്ങള്‍ക്ക് പകരം ഇവ നല്‍കാമെന്നുമായിരുന്നു ഇന്‍സ്റ്റഗ്രാം വഴി യുവതിക്ക് വാഗ്ദാനം നല്‍കിയത്. ഇതില്‍ ആകൃഷ്ടയായ യുവതി ആഭരണങ്ങള്‍ നല്‍കാമെന്ന് ഉറപ്പ് നല്‍കുകയും യുവാവിനോട് വീടിന് പരിസരത്ത് എത്താന്‍ ആവശ്യപ്പെടുകയും ആയിരുന്നു. തുടര്‍ന്ന് കഴിഞ്ഞ വെളളിയാഴ്ച്ച യുവാവ് പരാതിക്കാരിയുടെ വീടിന് സമീപം എത്തി ആഭരണങ്ങള്‍ യുവതിയില്‍ നിന്ന് വാങ്ങി. പകരം പണമടങ്ങിയ ബാഗ് എന്ന് പറഞ്ഞ് ഗിഫ്റ്റ് നല്‍കുകയും ചെയ്തു. വീട്ടിലെത്തി ഗിഫ്റ്റ് നല്‍കിയ ബാഗ് തുറന്ന് പരിശോധിച്ചപ്പോഴാണ് പണത്തിന് പകരം ഹല്‍വയും 100 രൂപയുടെ മിഠായിയും നല്‍കി വഞ്ചിച്ചതാണ് എന്ന് മനസ്സിലായത്. വടകര പോലീസ് സ്റ്റേഷനിലും പ്രതിക്കെതിരെ സമാനമായ പരാതിയില്‍ കേസ് ഉണ്ടായിരുന്നെങ്കിലും പ്രതി പരാതിക്കാരിക്ക് പണം നല്‍കി കേസ് പിന്‍വലിപ്പിച്ചതായി പോലീസ് പറഞ്ഞു.
