വടകര: വില്യാപ്പള്ളി എംജെവിഎച്ച്എസ്എസില്‍ നടന്ന തോടന്നൂര്‍ ഉപജില്ല സ്‌കൂള്‍ കലോത്സവത്തില്‍ ജനറല്‍ വിഭാഗത്തില്‍ 602 
പോയിന്റുമായി മേമുണ്ട ഹയര്‍സെക്കണ്ടറി സ്‌കൂള്‍ ഓവറോള്‍ ചാമ്പ്യന്‍ഷിപ്പ് നേടി. സംസ്‌കൃതോത്സവത്തിലും മേമുണ്ടക്കാണ് ഓവറോള്‍ ചാമ്പ്യന്‍ഷിപ്പ് (151 പോയിന്റ്). യുപി വിഭാഗത്തില്‍ 9 ഇനങ്ങളിലും ഹൈസ്‌ക്കൂള്‍ വിഭാഗത്തില്‍ 32 ഇനങ്ങളിലും ഹയര്‍സെക്കന്ററി വിഭാഗത്തില്‍ 32 ഇനങ്ങളിലും ഒന്നാം സ്ഥാനം നേടിയ മേമുണ്ടയിലെ കലാപ്രതിഭകള്‍ റവന്യുജില്ലാ കലോത്സവത്തില്‍ മാറ്റുരക്കും.
യുപി ജനറല്‍ വിഭാഗം, ഹയര്‍സെക്കന്ററി ജനറല്‍ വിഭാഗം, ഹൈസ്‌കൂള്‍ സംസ്‌കൃതോത്സവം എന്നിവയിലും മേമുണ്ടക്കാണ് ഓവറോള്‍. ഹൈസ്‌കൂള്‍ ജനറല്‍ വിഭാഗത്തില്‍ സെക്കന്റ് റണ്ണര്‍അപ്പും യുപി അറബിക്കില്‍ ഫസ്റ്റ് റണ്ണര്‍അപ്പും മേമുണ്ട നേടി. 
കലോത്സവത്തില്‍ പങ്കെടുത്ത മുഴുവന്‍ വിദ്യാര്‍ഥികളെയും പിടിഎയും മാനേജ്‌മെന്റും അഭിനന്ദിച്ചു.
