തിരുവള്ളൂര്‍: തോടന്നൂര്‍ സബ് ജില്ല സ്‌കൂള്‍ കലോത്സവത്തില്‍ ഹൈസ്‌കൂള്‍ വിഭാഗത്തില്‍ 271 പോയന്റ് നേടി തിരുവള്ളൂര്‍ 
ശാന്തിനികേതന്‍ ഹയര്‍ സെക്കന്ററി സ്‌കൂള്‍ ചാമ്പ്യന്മാരായി. 265 പോയന്റ് നേടി വില്യാപ്പള്ളി എംജെവിച്ച്എസ്എസ് രണ്ടാം സ്ഥാനവും 257 പോയന്റോടെ മേമുണ്ട ഹയര്‍ സെക്കണ്ടറി മൂന്നാം സ്ഥാനവും നേടി. ഹൈസ്‌കൂള്‍ വിഭാഗം അറബിക് സാഹിത്യോത്സവത്തില്‍ ഓവറോള്‍ റണ്ണറപ്പും ഹൈസ്‌കൂള്‍ വിഭാഗം സംസ്‌കൃതോത്സവത്തില്‍ ഓവറോള്‍ സെക്കന്റ് റണ്ണറപ്പും തിരുവള്ളൂര്‍ സ്‌കൂളിനു ലഭിച്ചു.
മോഹിനിയാട്ടം, ഭരത നാട്യം, നങ്ങ്യാര്‍കൂത്ത് ,കേരള നടനം, ചവിട്ടു നാടകം, പണിയനൃത്തം, പരിചമുട്ട്, സംസ്‌കൃത പാഠകം, കവിതാ രചന, ഖുര്‍ആന്‍ പാരായണം, പെന്‍സില്‍ ഡ്രോയിംഗ്, സംഘനൃത്തം, ചെണ്ടമേളം, മിമിക്രി, വയലിന്‍, വട്ടപ്പാട്ട്, ഇംഗ്ലീഷ് പ്രസംഗം, അറബിക് ഉപന്യാസം, ഉറുദു കഥാ രചന, ഉറുദു ഉപന്യാസ രചന ഉറുദു പദ്യം ചൊല്ലല്‍, വാട്ടര്‍ കളര്‍, പദ്യം ചൊല്ലല്‍ ഉറുദു, 
അറബിക് മോണോആക്ട്, അറബിക് പദ്യം ചൊല്ലല്‍, അറബിക് നാടകം, അറബിക് പ്രശ്‌നോത്തരി, അറബിക് തര്‍ജമ, വഞ്ചിപ്പാട്ട് തുടങ്ങിയ ഇനങ്ങളില്‍ എ ഗ്രേഡോടെ ഒന്നാം സ്ഥാനം നേടി.
