വട്ടോളി: കുന്നുമ്മല്‍ ഉപജില്ലാ കലോത്സവത്തില്‍ പങ്കെടുക്കുന്ന മത്സരാര്‍ഥികളെ വിവിധവേദികളില്‍ എത്തിക്കാന്‍ സ്‌നേഹ 
വണ്ടിയുമായി എസ്എഫ്‌ഐ രംഗത്ത്. വേദികള്‍ തമ്മിലുള്ള അകലം മത്സരാര്‍ഥികള്‍ക്ക് പ്രയാസം ഉണ്ടാവാതിരിക്കനാണ് സ്‌നേഹ വണ്ടിയുമായി പ്രയാണം നടത്തുന്നത്.
എസ്എഫ്‌ഐ കുന്നുമ്മല്‍ ഏരിയ സെക്രട്ടറി സാന്‍ജോ മാത്യു സ്‌നേഹ വണ്ടി ഫ്‌ളാഗ് ഓഫ് ചെയ്തു. ഭാരവാഹികളായ കെ.അര്‍ജുന്‍, അഭയ് വിനോദ്, അശ്വന്ത് ചന്ദ്രന്‍, കാവ്യ, ദീപിക എന്നിവര്‍ സംബന്ധിച്ചു.
എട്ട് വേദികളിലും സദാസമയം തിളപ്പിച്ചാറ്റിയ കുടിവെള്ളവുമായി സന്നദ്ധ സംഘടനകളടക്കമുള്ള കുടിവെള്ള ടീം പ്രവര്‍ത്തിക്കുന്നു. ഷറഫുന്നിസ, കെ. കണ്ണന്‍, ഉമേഷ് കുമാര്‍, ബീന എലിയാറ, ഇ. പ്രേംകുമാര്‍, പി.ഷനില, വിനിഷ, സിനിഷ, ടി.വി.ജീന, കെ.ഷീജ, പി.കെ.ഗോപിക, ശ്രീലേഖ, ജയ്ത, സജനി, ദീപിക എന്നിവര്‍ നേതൃത്വം നല്‍കുന്നു.
