വടകര: ചോറോട് കുരിക്കിലാട് യുപി സ്കൂൾ 100-ാം വർഷികം വിവിധ പരിപാടികളോടെ ആഘോഷിക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. ആറ് മാസം നീണ്ടു നിൽക്കുന്ന ആഘോഷ പരിപാടികൾക്ക് നവംബർ 16 ശനിയാഴ്ച തുടക്കമാവും. അന്ന് പകൽ മൂന്നിന് സാംസ്കാരിക ഘോഷയാത്രയും തുടർന്ന് ഉദ്ഘാടന സമ്മേളനവും നടക്കും. വൈകിട്ട് അഞ്ചരക്ക് സിനിമാ നടൻ ജോജു ജോർജ് ഉദ്ഘാടനം നിർവഹിക്കും. ചെയർമാൻ ഗോകുലം
ഗോപാലൻ അധ്യക്ഷനാവും. രാത്രി എട്ടിന് റിയാലിറ്റി ഷോകളിലൂടെ പ്രശസ്തരായ കലാകാരന്മാർ അണിനിരക്കുന്ന കലാവിരുന്നും ഉണ്ടാവും. 100-ാം വാർഷിക ഭാഗമായി പൂർവ വിദ്യാർഥി സംഗമം, വിദ്യാഭ്യാസ സെമിനാർ, അന്താരാഷ്ട്രാ ചലച്ചിത്രോത്സവം തുടങ്ങിയവയും തുടർന്നുള്ള മാസങ്ങളിലായി നടക്കും.
വാർത്താ സമ്മേളനത്തിൽ സി.നാരായണൻ, കെ.എം.പ്രശാന്ത്, എ. രാജേഷ് കുമാർ, നടക്ക രാജൻ, കെ .പി കരുണൻ, പി ശ്രീദീപ്, നല്ലൂർ ശശി എന്നിവർ പങ്കെടുത്തു.
