ഓര്‍ക്കാട്ടേരി: ഒയിസ്‌ക ഇന്റര്‍നാഷണല്‍ ഓര്‍ക്കാട്ടേരി ചാപ്റ്ററിന്റെ സാമൂഹിക ക്ഷേമ പരിപാടികളുടെ ഭാഗമായി മടപ്പള്ളി 
ഗവ.ഫിഷറീസ് എല്‍പി സ്‌കൂളിന് വാട്ടര്‍ പ്യൂരിഫയര്‍ കൈമാറി. പരിപാടി ഏറാമല ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ വി കെ ജസീല ഉദ്ഘാടനം ചെയ്തു. ചാപ്റ്റര്‍ പ്രസിഡന്റ് പി പി കെ രാജന്‍ അധ്യക്ഷത വഹിച്ചു.
ഒയിസ്‌ക്ക ടോപ് ടീന്‍ പരീക്ഷയില്‍ ഉയര്‍ന്ന മാര്‍ക്ക് നേടിയ വിദ്യാര്‍ഥികളെയും സ്‌കൂള്‍ ജില്ലാ ഒളിമ്പിക്‌സില്‍ ട്രിപ്പിള്‍ സ്വര്‍ണമെഡല്‍ നേടിയ അല്‍നാ സത്യനേയും അനുമോദിച്ചു. മടപ്പള്ളി ഗവ: ഫിഷറീസ് എല്‍പി സ്‌കൂള്‍ ഹെഡ് മിന്‍സ്ട്രസ് കെ.പ്രമീള വാട്ടര്‍ പ്യൂരിഫയര്‍ ഏറ്റുവാങ്ങി. ഒയിസ്‌ക നോര്‍ത്ത് കേരള സെക്രട്ടറി കെ.റിനീഷ്, ചാപ്റ്റര്‍ സെക്രട്ടറി പ്രജിത്ത് സ്‌നേഹശ്രീ, തില്ലേരി ഗോവിന്ദന്‍, മധു മോഹനന്‍ കെ.കെ, സുനില്‍കുമാര്‍ കെ, പവിത്രരാജന്‍ കെ കെ, ജനാര്‍ദ്ദനന്‍ ടി ഇ, പി പി 
രതീശന്‍, ടി കെ മനോജന്‍, ഫാത്തിമ ഷെറിന്‍, ആല്‍വിന്‍, ഒ കെ ഭാസ്‌കരന്‍ എന്നിവര്‍ സംസാരിച്ചു.
