വില്യാപ്പള്ളി: 11,12,13,14 തിയ്യതികളില്‍ വില്ല്യാപ്പള്ളി എംജെവിഎച്ച്എസ്എസില്‍ നടക്കുന്ന തോടന്നൂര്‍ ഉപജില്ലാ 
കലോത്സവത്തിന്റെ വേദികള്‍ക്ക് പ്രോഗ്രാം കമ്മിറ്റി നല്‍കിയ പേരുകള്‍ വേറിട്ടതായി. ഗാന്ധിജിയുടെ ജീവിതരേഖയുമായി ബന്ധപ്പെട്ട പേരുകളാണ് വേദികള്‍ക്കു നല്‍കിയിരിക്കുന്നത്. ഇവയുടെ നാമകരണം പ്രശസ്ത ചരിത്രകാരന്‍ പി.ഹരീന്ദ്രനാഥ് നിര്‍വ്വഹിച്ചു. പോര്‍ബന്തര്‍, സബര്‍മതി, വാര്‍ധ, ബിര്‍ളഹൗസ്, ദണ്ഡി, ചാമ്പാരന്‍, രാജ്ഘട്ട് എന്നിവയാണ് പേരുകള്‍. ഇവയടങ്ങിയ ബ്രോഷര്‍ ഹരീന്ദ്രനാഥ് പ്രകാശനം ചെയ്തു. ഇതോടനുബന്ധിച്ച് ചേര്‍ന്ന പ്രോഗ്രാം കമ്മിറ്റി യോഗം എഇഒ എം.വിനോദ് ഉദ്ഘാടനം ചെയ്തു. പ്രോഗ്രാം കമ്മിറ്റി ചെയര്‍മാന്‍ സി.പി ബിജു പ്രസാദ് അധ്യക്ഷത വഹിച്ചു. പ്രിന്‍സിപ്പള്‍ അബ്ദുറഹ്‌മാന്‍ കുളമുള്ളതില്‍, ആര്‍.ഷംസുദീന്‍, മുഹമ്മദലി വാഴയില്‍, ബ്ലോക്ക് പഞ്ചായത്തംഗം എം.കെ റഫീഖ്, ടി.സുരേഷ് ബാബു, ടി അജിത്ത് കുമാര്‍, വിപിന്‍, 
അഷ്‌റഫ് കെ, ടി.കെ ശ്രീജേഷ്, പി. പ്രേംദാസ് എന്നിവര്‍ സംസാരിച്ചു.
