നാദാപുരം: സിപിഎമ്മിന്റെ അമരക്കാനായിരുന്ന സീതാറാം യെച്ചൂരിയുടെ ജ്വലിക്കുന്ന സ്മരണകള്‍ സാക്ഷിയാക്കി സിപിഎം 
നാദാപുരം ഏരിയ സമ്മേളനത്തിന് പതാക ഉയര്‍ന്നു. ഇരിങ്ങണ്ണൂരില്‍ ജില്ല കമ്മിറ്റി അംഗം വി.പി.കുഞ്ഞികൃഷ്ണന്‍ പതാക ഉയര്‍ത്തി.
കൊടിമരം രക്തസാക്ഷി സി.കെ.ഷിബിന്റെ സ്മൃതി മണ്ഡപത്തില്‍ നിന്നു സി എച്ച് മോഹനന്റെ നേതൃത്വത്തിലും പതാക കെ.പി.ചാത്തുവിന്റെ സ്മൃതി മണ്ഡപത്തില്‍ നിന്ന് എ മോഹന്‍ദാസിന്റെ നേതൃത്വത്തിലുമാണ് നിരവധി വാഹനങ്ങളുടെ അകമ്പടിയില്‍ ഇരിങ്ങണ്ണൂരില്‍ എത്തിച്ചത്. ബാന്റ് വാദ്യങ്ങള്‍ അകമ്പടിയായി.
പതാക ഉയര്‍ത്തല്‍ ചടങ്ങില്‍ സ്വാഗത സംഘം ചെയര്‍മാന്‍ ടി.കെ.അരവിന്ദാക്ഷന്‍ അധ്യക്ഷനായി. ഏരിയ സെക്രട്ടറി പി.പി.ചാത്തു, ജില്ല കമ്മിറ്റി അംഗം കൂടത്താംകണ്ടി സുരേഷ്, എ.മോഹന്‍ ദാസ്, സി.എച്ച്.മോഹനന്‍ എന്നിവര്‍ സംസാരിച്ചു. സ്വാഗത സംഘം കണ്‍വീനര്‍ ടി.അനില്‍ കുമാര്‍ സ്വാഗതം പറഞ്ഞു. കൈ കൊട്ടികളി മത്സരവും നടന്നു.
16, 17 തിയ്യതികളില്‍ ഇരിങ്ങണ്ണൂരില്‍ കോടിയേരി ബാലകൃഷ്ണന്‍ നഗറിലാണ് പ്രതിനിധി സമ്മേളനം. 17 ന് വൈകീട്ട് റെഡ് 
വളണ്ടിയര്‍ മാര്‍ച്ചും പ്രകടനവും പൊതുസമ്മേളനവും നടക്കും.
