ആയഞ്ചേരി: കടമേരി എൽ പി സ്കൂളിലെ പൂർവ്വ വിദ്യാർഥികൾ പിൻഗാമികൾക്ക് വായനാ സൗകര്യമൊരുക്കി. വായനാമുറിയിലേക്ക് 5 മാതൃഭൂമി പത്രങ്ങളാണ് പൂർവ്വ വിദ്യാർത്ഥികളായ ശ്രീജിഷ പി, ശ്രീജേഷ് പി , ശ്രീഹരി താനക്കണ്ടി എന്നിവർ സ്പോൺസർ ചെയ്തത്.സകൂളിൽ ചേർന്ന പത്ര സമർപ്പണ ചടങ്ങ് ആയഞ്ചേരി ഗ്രാമ പഞ്ചായത്ത് സ്ഥിരം
സമിതി അധ്യക്ഷൻ ടി.വി. കുഞ്ഞിരാമൻ ഉദ്ഘാടനം ചെയ്തു. പി.ടി.എ പ്രസിഡണ്ട് സുധീഷ് കുമാർ അധ്യക്ഷത വഹിച്ചു. പുതിയോട്ടിൽ രമണി സ്കൂൾ ലീഡർ ഉജ്ജ്വൽനാഥിന് പത്രം ഏൽപ്പിച്ചു. പ്രധാന അധ്യാപിക ആശ കെ,സകൂൾ മാനേജർ ഏ.പി.ശ്രീധരൻ, ഇസ്ഹാഖ് വി.കെ, രാജിഷ കെ , ശ്രീനാഥ് എം എന്നിവർ പ്രസംഗിച്ചു.
