വടകര: ചോറോട് ഗവ. ഹയര്‍ സെക്കന്ററി സ്‌കൂള്‍ സുവര്‍ണ ജൂബിലി ആഘോഷത്തിന്റെ ഭാഗമായി പൂര്‍വ വിദ്യാര്‍ഥി-അധ്യാപക സംഗമം സംഘടിപ്പിക്കുന്നു. പത്താം തിയ്യതി ഞായറാഴ്ച രാവിലെ പത്തുമുതല്‍ ‘ഗുലിസ്ത’ എന്നപേരില്‍ നടക്കുന്ന പരിപാടി ജില്ലാപഞ്ചായത്ത് പ്രസിഡന്റ് ഷീജാ ശശി ഉദ്ഘാടനം ചെയ്യുമെന്ന് സംഘാടകര്‍ വാര്‍ത്താസമ്മേളനത്തില്‍
അറിയിച്ചു. സിനിമാതാരം പി.പി.കുഞ്ഞികൃഷ്ണന്‍ മുഖ്യാതിഥിയാവും. ഉദ്ഘാടനത്തിനുശേഷം പൂര്‍വവിദ്യാര്‍ഥികളും അധ്യാപകരും അവരുടെ അനുഭവങ്ങള്‍ പങ്കുവെക്കും. തുടര്‍ന്നുനടക്കുന്ന കലാപരിപാടികളുടെ ഉദ്ഘാടനം സിനിമാതാരം രചനാ നാരായണന്‍കുട്ടി നിര്‍വഹിക്കും.വാര്‍ത്താസമ്മേളനത്തില്‍ എന്‍.നിധിന്‍, കെ.ടി.മോഹന്‍ദാസ്,
എം.ബാലകൃഷ്ണന്‍, എ.വി.സുനില്‍കുമാര്‍, എന്‍.കെ.അജിത് കുമാര്‍, വി.പി.രമേശന്‍, സി.എം.രജി, ആവണി രാജേഷ് എന്നിവര്‍ പങ്കെടുത്തു.
