വട്ടോളി: കൊച്ചിയില്‍ നടക്കുന്ന സംസ്ഥാന സ്‌കൂള്‍ ഒളിമ്പിക്‌സില്‍ (കായിക മേള) പങ്കെടുക്കാന്‍ അര്‍ഹത നേടിയ വട്ടോളി സംസ്‌കൃതം ഹൈസ്‌കൂള്‍ വിദ്യാര്‍ഥികള്‍ക്ക് ജനപ്രതിനിധികളും സ്‌കൂള്‍ സ്റ്റാഫും പി.ടി.എ യും യാത്രയയപ്പ് നല്‍കി
ഘോഷയാത്രയായി കായികതാരങ്ങളെ കക്കട്ട് ടൗണിലൂടെ ആനയിച്ചു. പഞ്ചായത്ത് പ്രസിഡന്റ് വി.കെ.റീത്ത പ്ലാഗ് ഓഫ് ചെയ്തു. പ്രധാനാധ്യാപിക വി.പി.ശ്രീജ, വാര്‍ഡ് മെമ്പര്‍
ആര്‍.കെ.റിന്‍സി, വാര്‍ഡ് അംഗം സി.പി.സജിത, പി.ടി.എ പ്രസിഡന്റ് പി.കെ.പത്മനാഭന്‍, കായികാധ്യാപകരായ പ്രജുല്‍, സൂരജ് എന്നിവരും അധ്യാപകരും വിദ്യാര്‍ഥികളും പങ്കെടുത്തു. കക്കട്ട് ടൗണില്‍ താരങ്ങള്‍ക്ക് സ്വീകരണം നല്‍കി. സനിക സത്യന്‍ (അത്‌ലറ്റികസ്), ആയിഷ ലുബ (ജൂഡോ), സപ്തമി പ്രസാദ്, ഫാത്തിമ ഹയ പര്‍വീന്‍, അഹല്യ വിജേഷ്, അനുഷ്‌ക സജി (ബോള്‍ ബാഡ്മിന്റണ്‍), വൈഗ ഗണേഷ്, ദേവപ്രിയ രജീഷ്, അന്‍ലിയ
ഷാജി, ശിവനന്ദ ബാബു, അനിഷ്‌ക പ്രശാന്ത്, ലാമിയ ദിനേശ്, നൈനികസുനില്‍ (ക്രിക്കറ്റ്) എന്നിവരാണ് ജില്ലയെ പ്രതിനിധികരിച്ച് കൊച്ചിയില്‍ കരുത്തുകാട്ടാന്‍ യാത്രയാകുന്നത്
–ആനന്ദന്‍ എലിയാറ
