കൊച്ചി: പാലക്കാട് നിന്നു തിരുവനന്തപുരത്തേക്കു പോകുന്ന ട്രെയിനുകളില്‍ ബോംബ് ഭീഷണിയെന്ന് സന്ദേശം. ഇതേ തുടര്‍ന്ന് 
ട്രെയിനുകളിലും റെയില്‍വെ സ്റ്റേഷനുകളിലും പോലീസ് വ്യാപക പരിശോധന നടത്തി.
വൈകുന്നേരത്തോടെയാണ് പോലീസ് ആസ്ഥാനത്ത് ഭീഷണി സന്ദേശമെത്തിയത്. എവിടെ നിന്നാണ് സന്ദേശം വന്നതെന്ന് പോലീസ് വെളിപ്പെടുത്തിയിട്ടില്ല. ട്രെയിനുകളില്‍ ബോംബ് വെച്ചിട്ടുണ്ടെന്ന ഭീഷണി സന്ദേശത്തെ തുടര്‍ന്ന് എല്ലാ റെയില്‍വേ സ്റ്റേഷനുകളിലേക്കും ജാഗ്രത നിര്‍ദ്ദേശം നല്‍കി. കൂടാതെ സംസ്ഥാനത്താകെ ട്രെയിനുകളില്‍ പരിശോധനയും നടത്തി.
ട്രെയിനിനുള്ളില്‍ ആര്‍പിഎഫ് പരിശോധന നടത്തി. ട്രെയിനുകള്‍ പോയിക്കഴിഞ്ഞാല്‍ സ്റ്റേഷന്‍ മൊത്തമായി പോലീസും പരിശോധിക്കുന്നു.
