കണ്ണൂര്‍: നീങ്ങിത്തുടങ്ങിയ ട്രെയിനില്‍ ചാടിക്കയറുന്നതിനിടെ ട്രാക്കിലേക്ക് വീണ് പെണ്‍കുട്ടിക്ക് പരിക്ക്. കിളിയന്തറ 
സ്വദേശിയായ നഴ്‌സിംഗ് വിദ്യാര്‍ഥിനിക്കാണ് പരിക്കേറ്റത്. പുതുച്ചേരി എക്‌സ്പ്രസിലാണ് പെണ്‍കുട്ടി ഓടിക്കയറാന്‍ ശ്രമിച്ചത്.
കണ്ണൂരിലെത്തിയപ്പോള്‍ സാധനം വാങ്ങാന്‍ പുറത്തിറങ്ങിയതായിരുന്നു. കയറാന്‍ ശ്രമിച്ചപ്പോള്‍ പിടിവിട്ട് ട്രാക്കിലേക്ക് വീണു. ട്രെയിന്‍ പെട്ടെന്ന് നിര്‍ത്തി. യാത്രക്കാരും റെയില്‍വെ പോലീസും ചേര്‍ന്ന് പെണ്‍കുട്ടിയെ ആശുപത്രിയിലാക്കി.
