ആയഞ്ചേരി: സംസ്ഥാന പിന്നോക്ക വിഭാഗ വികസന കോര്‍പറേഷന്‍ നേതൃത്വത്തില്‍ സംരംഭകത്വ പരിശീലന പരിപാടി 
സംഘടിപ്പിച്ചു. ആയഞ്ചേരി പഞ്ചായത്ത് കമ്യൂണിറ്റി ഹാളില്‍ പഞ്ചായത്ത് പ്രസിഡന്റ് എന്‍.അബ്ദുള്‍ ഹമീദ് ഉദ്ഘാടനം ചെയ്തു. വ്യവസായം തുടങ്ങുമ്പോള്‍ അറിഞ്ഞിരിക്കേണ്ട അടിസ്ഥാന കാര്യങ്ങളും അതില്‍ ഉള്‍പ്പെടുന്ന നിയമപരമായ അറിവുകളെയും കുറിച്ച് വടകര വ്യവസായ ഓഫീസര്‍ സുധീഷ് കുമാര്‍, ചെറുകിട വ്യവസായം തുടങ്ങുമ്പോള്‍ അതുമായി ബന്ധപ്പെട്ട് അറിഞ്ഞിരിക്കേണ്ട കാര്യങ്ങളെ കുറിച്ച് കെ അനിത എന്നിവര്‍ ക്ലാസെടുത്തു. പഞ്ചായത്ത് വൈസ് പ്രസിഡന്റ് ആയിഷ അധ്യക്ഷയായി. സ്ഥിരം സമിതി അധ്യക്ഷന്‍ ടി.വി.കുഞ്ഞിരാമന്‍, പിന്നോക്ക വികസന കോര്‍പറേഷന്‍ ബോര്‍ഡ് ഡയറക്ടര്‍ 
വി.പി.കുഞ്ഞികൃഷ്ണന്‍, അഷറഫ് വെള്ളിലാട്ട്, പി.എം.ലതിക, ആര്‍.ഗിരിജ, ഷിജില എന്നിവര്‍ സംസാരിച്ചു.
