പയ്യോളി: തിക്കോടിയന്‍ ഗവ.വൊക്കേഷണല്‍ ഹയര്‍സെക്കന്ററി സ്‌കൂള്‍ പിടിഎ തെരഞ്ഞെടുപ്പില്‍ എല്‍ഡിഎഫ് പാനലിന് 
വിജയം. 11 അംഗ എക്‌സിക്യൂട്ടീവ് കമ്മിറ്റിയിലേക്ക് എല്‍ഡിഎഫ് പാനലിലെ മുഴുവന്‍ പേരും വിജയിച്ചു.
വാശിയേറിയ തെരഞ്ഞെടുപ്പില്‍ അട്ടിമറി വിജയമാണ് എല്‍ഡിഎഫിന്റേത്. ഒരു വര്‍ഷമായി യുഡിഎഫിന്റെ കൈയിലായിരുന്നു പിടിഎ. രമേശന്‍ കൊക്കാലേരി, ആബിദ് മന്ദച്ചന്‍വീട്ടില്‍, ടി എസ് ശ്രീശരാജ്, ജി കെ ബാബു, പി കെ സുജിന, ബിജില നടക്കല്‍, പ്രമോദ് സി ചാലില്‍, എന്‍ ഷാഹിന, ലിഷ കാപ്പിരിക്കാട്, ബിജിന വായോത്ത്, സിന്ധു കുളമുള്ളകണ്ടി എന്നിവരാണ് വിജയിച്ചത്. പിടിഎ പ്രസിഡന്റായി പ്രമോദ് സി ചാലില്‍ തെരഞ്ഞെടുക്കപ്പെട്ടു. രമേശന്‍ കൊക്കാലേരിയാണ് വൈസ് പ്രസിഡന്റ്.
വീറും വാശിയും നിറഞ്ഞതാണ് ഈ സ്‌കൂളിലെ പിടിഎ തെരഞ്ഞെടുപ്പ്. ഇത് കാരണം സംഘര്‍ഷം ഒഴിവാക്കാന്‍ പോലീസ് 
രംഗത്തുണ്ടായിരുന്നു.
