വട്ടോളി: നവംബര്‍ 11 മുതല്‍ 15 വരെ വട്ടോളി സംസ്‌കൃതം ഹൈസ്‌കൂളില്‍ നടക്കുന്ന കുന്നുമ്മല്‍ ഉപജില്ല കലോല്‍സവത്തിന്റെ 
മീഡിയ റൂം തുറന്നു. ബ്ലോക്ക് പഞ്ചായത്ത് വൈസ് പ്രസിഡന്റ് മുഹമ്മദ് കക്കട്ടില്‍ ഉദ്ഘാടനം ചെയ്തു. ജനറല്‍ കണ്‍വീനര്‍ കൂടിയായ ഹെഡ്മിസ്ട്രസ് വി.പി.ശ്രീജ അധ്യക്ഷത വഹിച്ച ചടങ്ങില്‍ കെ.പി.സുരേഷ്, കെ.കെ ദിനേശന്‍, എ.പി.രാജീവന്‍, ലോഹിതാക്ഷന്‍, എടത്തില്‍ നിസാര്‍, ജൂലിയസ് മിര്‍ഷാദ്, രാഹുല്‍, എ.പി.മുനീര്‍, മിഥുന്‍ ലിയാസ് എന്നിവര്‍ സംസാരിച്ചു. പി.കെ.വിനോജ്കുമാര്‍ സ്വാഗതവും സി.സുനീഷ് നന്ദിയും പറഞ്ഞു.
ഉപജില്ലയിലെ അയ്യായിരത്തിലധികം കലാപ്രതിഭകള്‍ മാറ്റുരയ്ക്കുന്ന കലോത്സവം നാടിന്റെ ഉത്സവമാകും.
