നാദാപുരം: വായില്‍ തുളച്ചു കയറിയ ചൂണ്ടല്‍ കൊക്കകളുമായി അലഞ്ഞു തിരിയുന്ന തെരുവു പട്ടി വേദനിപ്പിക്കുന്ന കാഴ്ചയായി. 
നാദാപുരം ടൗണിലാണ് വായില്‍ തുളച്ചു കയറിയ ചൂണ്ടല്‍ കൊക്കകളുമായി ഭക്ഷണം കഴിക്കാനാകാതെ തെരുവുനായ അലയുന്നത്. അടുത്തിടെ പ്രസവിച്ച നായക്ക് അഞ്ച് കുഞ്ഞുങ്ങളുണ്ട്. വേദന നിമിത്തം കുഞ്ഞുങ്ങള്‍ക്ക് പാല്‍ കൊടുക്കാനും കഴിയുന്നില്ല. എവിടെ നിന്നാണ് ഇതിന്റെ വായില്‍ മത്സ്യം പിടിക്കാന്‍ ഉപയോഗിക്കുന്ന കൊക്കകള്‍ തുളച്ചുകയറിയതെന്ന് ആര്‍ക്കുമറിയില്ല. നായയുടെ ദയനീയ സ്ഥിതികണ്ട് സുമനസുകള്‍ ഭക്ഷണം നല്‍കുന്നുണ്ടെങ്കിലും കഴിക്കാന്‍ പറ്റാത്ത 
അവസ്ഥയാണ്.
