വടകര: കോണ്‍വെന്റ് റോഡിലെ ഡ്രെയിനേജ് പൊട്ടിപൊളിഞ്ഞ് മലിനജലം മാസങ്ങളോളമായി റോഡിലേക്ക് ഒഴുകിയിട്ടും നടപടിയെടുക്കാത്തതിനെതിരെ മണ്ഡലം
കോണ്‍ഗ്രസ് കമ്മിറ്റി പ്രതിഷേധ കൂട്ടായ്മ സംഘടിപ്പിച്ചു. കോണ്‍വെന്റ് റോഡില്‍ സംഘടിപ്പിച്ച പ്രതിഷേധ കൂട്ടായ്മ ഡിസിസി വൈസ് പ്രസിഡന്റ് അഡ്വ. ഇ നാരായണന്‍ നായര്‍ ഉദ്ഘാടനം ചെയ്തു. വ്യാപാര സ്ഥാപനങ്ങളിലേക്ക് പോകുന്നവര്‍, ആരാധനാലയങ്ങളിലേക്ക് പോകുന്ന വിശ്വാസികള്‍, സ്‌കൂളിലേക്ക് പോകുന്ന വിദ്യാര്‍ഥികള്‍, കാല്‍ നടയാത്രക്കാര്‍ തുടങ്ങിയവരൊക്കെ ഈ മലിനജലം ചവിട്ടി കൊണ്ടാണ് കടന്നു പോകുന്നത്. പകര്‍ച്ച വ്യാധികള്‍ക്കെതിരെ പ്രതിരോധ പ്രവര്‍ത്തനം നടത്തേണ്ട മുനിസിപ്പല്‍ അധികാരികളും ആരോഗ്യവിഭാഗവും കാഴ്ചക്കാരായി നോക്കി നില്‍ക്കുകയാണ്. പകര്‍ച്ചവ്യാധികളായ എലിപ്പനി, മഞ്ഞപ്പിത്തം തുടങ്ങിയവ
പിടിപെട്ടേക്കും. ഈ സാഹചര്യത്തില്‍ നിസ്സംഗരായ ഭരണാധികാരികള്‍ക്കെതിരെ ഓംബുഡ്‌സ്മാന്‍ സ്വമേധയാ കേസ് എടുക്കണമെന്ന് അഡ്വ. ഇ നാരായണന്‍ നായര്‍ ആവശ്യപ്പെട്ടു. വടകര മണ്ഡലം പ്രസിഡന്റ് വി.കെ പ്രേമന്‍ അധ്യക്ഷത വഹിച്ചു. സതീശന്‍ കുരിയാടി, പുറന്തോടത്ത് സുകുമാരന്‍, പി.എസ് രഞ്ജിത്ത് കുമാര്‍, രഞ്ജിത്ത് കണ്ണോത്ത്, ബിജുല്‍ അയാടത്തില്‍, എ പ്രേമകുമാരി, എം സുരേഷ്ബാബു, ഫൈസല്‍ തങ്ങള്‍, സജിത്ത് മാരാര്‍, അജിത്ത് പ്രസാദ് കുയ്യാലില്‍, നാസര്‍ മീത്തല്‍, കമറുദ്ദീന്‍ കുരിയാടി, മോഹനന്‍ കുരിയാടി, രഞ്ജിത്ത് പുറങ്കര, റീജ പറമ്പത്ത്, രജിത എ, സത്യഭാമ, എം രാജന്‍ എന്നിവര്‍ പ്രസംഗിച്ചു.
കോണ്‍ഗ്രസ് കമ്മിറ്റി പ്രതിഷേധ കൂട്ടായ്മ സംഘടിപ്പിച്ചു. കോണ്‍വെന്റ് റോഡില്‍ സംഘടിപ്പിച്ച പ്രതിഷേധ കൂട്ടായ്മ ഡിസിസി വൈസ് പ്രസിഡന്റ് അഡ്വ. ഇ നാരായണന്‍ നായര്‍ ഉദ്ഘാടനം ചെയ്തു. വ്യാപാര സ്ഥാപനങ്ങളിലേക്ക് പോകുന്നവര്‍, ആരാധനാലയങ്ങളിലേക്ക് പോകുന്ന വിശ്വാസികള്‍, സ്‌കൂളിലേക്ക് പോകുന്ന വിദ്യാര്‍ഥികള്‍, കാല്‍ നടയാത്രക്കാര്‍ തുടങ്ങിയവരൊക്കെ ഈ മലിനജലം ചവിട്ടി കൊണ്ടാണ് കടന്നു പോകുന്നത്. പകര്‍ച്ച വ്യാധികള്‍ക്കെതിരെ പ്രതിരോധ പ്രവര്‍ത്തനം നടത്തേണ്ട മുനിസിപ്പല്‍ അധികാരികളും ആരോഗ്യവിഭാഗവും കാഴ്ചക്കാരായി നോക്കി നില്‍ക്കുകയാണ്. പകര്‍ച്ചവ്യാധികളായ എലിപ്പനി, മഞ്ഞപ്പിത്തം തുടങ്ങിയവ പിടിപെട്ടേക്കും. ഈ സാഹചര്യത്തില്‍ നിസ്സംഗരായ ഭരണാധികാരികള്‍ക്കെതിരെ ഓംബുഡ്‌സ്മാന്‍ സ്വമേധയാ കേസ് എടുക്കണമെന്ന് അഡ്വ. ഇ നാരായണന്‍ നായര്‍ ആവശ്യപ്പെട്ടു. വടകര മണ്ഡലം പ്രസിഡന്റ് വി.കെ പ്രേമന്‍ അധ്യക്ഷത വഹിച്ചു. സതീശന്‍ കുരിയാടി, പുറന്തോടത്ത് സുകുമാരന്‍, പി.എസ് രഞ്ജിത്ത് കുമാര്‍, രഞ്ജിത്ത് കണ്ണോത്ത്, ബിജുല്‍ അയാടത്തില്‍, എ പ്രേമകുമാരി, എം സുരേഷ്ബാബു, ഫൈസല്‍ തങ്ങള്‍, സജിത്ത് മാരാര്‍, അജിത്ത് പ്രസാദ് കുയ്യാലില്‍, നാസര്‍ മീത്തല്‍, കമറുദ്ദീന്‍ കുരിയാടി, മോഹനന്‍ കുരിയാടി, രഞ്ജിത്ത് പുറങ്കര, റീജ പറമ്പത്ത്, രജിത എ, സത്യഭാമ, എം രാജന്‍ എന്നിവര്‍ പ്രസംഗിച്ചു.
