മലപ്പുറം: മദ്രസയില്‍ പോയി മതപഠനം നടത്തിയവരാണ് കഞ്ചാവ്, എംഡിഎംഎ കടത്ത് 
കേസുകളില്‍ പിടിയിലാകുന്നവരില്‍ കൂടുതലെന്ന കെ.ടി.ജലീല്‍ എംഎല്‍എയുടെ പരാമര്‍ശം ചര്‍ച്ചയാവുന്നു. പ്രസംഗത്തിനെതിരെ സമസ്ത രംഗത്തെത്തി. മതത്തിന്റെ പേരില്‍ വേര്‍തിരിച്ചുകാണേണ്ട വിഷയമല്ല ഇതെന്നാണ് സമസ്തയുടെ നിലപാട്. ഇത്തരം അഭിപ്രായങ്ങള്‍ മത ധ്രുവീകരണത്തിന് ശ്രമിക്കുന്നവരെ സഹായിക്കുമെന്ന് സംഘടന ചൂണ്ടിക്കാട്ടി. കുറ്റകൃത്യങ്ങളെ കുറ്റകൃത്യങ്ങളായി കാണുന്നതിന് പകരം അതില്‍ മതം കലര്‍ത്തുന്നത് ശരിയല്ലെന്ന് സമസ്ത നേതാവ് സത്താര്‍ പന്തല്ലൂര്‍ വിമര്‍ശിച്ചു.
മലപ്പുറത്തുനടന്ന ഇഫ്താര്‍ സംഗമത്തിലാണ് കെ.ടി.ജലീല്‍ വിവാദ പരാമര്‍ശം നടത്തിയത്.
മതപഠനമോ മത വിദ്യാഭ്യാസമോ ലഭിക്കാത്ത മറ്റ് സമുദായങ്ങളിലെ ചെറുപ്പക്കാര്‍ക്കുള്ള ധാര്‍മിക ബോധം പോലും മുസ്ലീം സമുദായത്തിലുള്ളവര്‍ക്ക് ഇല്ലെന്നും കെ.ടി.ജലീല്‍ പ്രസംഗത്തിനിടെ കുറ്റപ്പെടുത്തിയിരുന്നു. സ്‌കൂളുകളിലും കോളജുകളിലും അച്ചടക്കം കാണിക്കുന്നതിലും അധ്യാപകരെ ബഹുമാനിക്കുന്നതിലും മുസ്ലീം കുട്ടികളേക്കാള്‍ ഇതര മതസ്തരായ കുട്ടികളാണ് മുന്നിലുള്ളത്. ഇത് എന്തുകൊണ്ട് സംഭവിക്കുന്നുവെന്നത് മതനേതാക്കള്‍ പരിശോധിക്കണമെന്നും എംഎല്‍എ ആവശ്യപ്പെട്ടിരുന്നു.
തന്റെ പരാമര്‍ശത്തില്‍ ഉറച്ചുനില്‍ക്കുന്നുവെന്ന് കെ.ടി.ജലീല്‍ ഫേസ്ബുക്കില്‍ വ്യക്തമാക്കി.
മത വിദ്യാഭ്യാസം കിട്ടുന്ന ജനവിഭാഗം എന്ന നിലയില്‍ മുസ്ലീങ്ങളെ തെറ്റുകാരുടെ കൂട്ടത്തില്‍ ഒന്നുപോലും കാണാന്‍ പാടില്ലെന്ന അതിമോഹമാണ് തന്റെ പ്രസംഗത്തിലെ ഉള്ളടക്കത്തിന്റെ ആധാരമെന്ന് അദ്ദേഹം സൂചിപ്പിച്ചു. ലഹരിക്കടത്തില്‍ പിടിക്കപ്പെടുന്ന മുസ്ലീം പേരുള്ള പ്രതികളില്‍ 99 ശതമാനവും ചെറുപ്പത്തില്‍ മതപഠനം കിട്ടിയവരാണെന്നാണ് തന്റെ അന്വേഷണത്തില്‍ മനസിലായത്. എന്നിട്ടും ഇതൊക്കെ സംഭവിക്കുന്നത് കാണുമ്പോഴുള്ള മനോവിഷമം കൊണ്ടാണ് സമുദായത്തിലെ പ്രധാനികള്‍ ഒത്തുചേര്‍ന്ന ഒരു യോഗത്തില്‍ തീര്‍ത്തും സദുദ്ദേശത്തോടെ ചില കാര്യങ്ങള്‍ ഉണര്‍ത്തിയതെന്നും കെ.ടി.ജലീല്‍ പറഞ്ഞു.
കേസുകളില്‍ പിടിയിലാകുന്നവരില്‍ കൂടുതലെന്ന കെ.ടി.ജലീല്‍ എംഎല്‍എയുടെ പരാമര്‍ശം ചര്‍ച്ചയാവുന്നു. പ്രസംഗത്തിനെതിരെ സമസ്ത രംഗത്തെത്തി. മതത്തിന്റെ പേരില്‍ വേര്‍തിരിച്ചുകാണേണ്ട വിഷയമല്ല ഇതെന്നാണ് സമസ്തയുടെ നിലപാട്. ഇത്തരം അഭിപ്രായങ്ങള്‍ മത ധ്രുവീകരണത്തിന് ശ്രമിക്കുന്നവരെ സഹായിക്കുമെന്ന് സംഘടന ചൂണ്ടിക്കാട്ടി. കുറ്റകൃത്യങ്ങളെ കുറ്റകൃത്യങ്ങളായി കാണുന്നതിന് പകരം അതില്‍ മതം കലര്‍ത്തുന്നത് ശരിയല്ലെന്ന് സമസ്ത നേതാവ് സത്താര്‍ പന്തല്ലൂര്‍ വിമര്‍ശിച്ചു.മലപ്പുറത്തുനടന്ന ഇഫ്താര്‍ സംഗമത്തിലാണ് കെ.ടി.ജലീല്‍ വിവാദ പരാമര്‍ശം നടത്തിയത്.
മതപഠനമോ മത വിദ്യാഭ്യാസമോ ലഭിക്കാത്ത മറ്റ് സമുദായങ്ങളിലെ ചെറുപ്പക്കാര്‍ക്കുള്ള ധാര്‍മിക ബോധം പോലും മുസ്ലീം സമുദായത്തിലുള്ളവര്‍ക്ക് ഇല്ലെന്നും കെ.ടി.ജലീല്‍ പ്രസംഗത്തിനിടെ കുറ്റപ്പെടുത്തിയിരുന്നു. സ്‌കൂളുകളിലും കോളജുകളിലും അച്ചടക്കം കാണിക്കുന്നതിലും അധ്യാപകരെ ബഹുമാനിക്കുന്നതിലും മുസ്ലീം കുട്ടികളേക്കാള്‍ ഇതര മതസ്തരായ കുട്ടികളാണ് മുന്നിലുള്ളത്. ഇത് എന്തുകൊണ്ട് സംഭവിക്കുന്നുവെന്നത് മതനേതാക്കള്‍ പരിശോധിക്കണമെന്നും എംഎല്‍എ ആവശ്യപ്പെട്ടിരുന്നു.തന്റെ പരാമര്‍ശത്തില്‍ ഉറച്ചുനില്‍ക്കുന്നുവെന്ന് കെ.ടി.ജലീല്‍ ഫേസ്ബുക്കില്‍ വ്യക്തമാക്കി.
മത വിദ്യാഭ്യാസം കിട്ടുന്ന ജനവിഭാഗം എന്ന നിലയില്‍ മുസ്ലീങ്ങളെ തെറ്റുകാരുടെ കൂട്ടത്തില്‍ ഒന്നുപോലും കാണാന്‍ പാടില്ലെന്ന അതിമോഹമാണ് തന്റെ പ്രസംഗത്തിലെ ഉള്ളടക്കത്തിന്റെ ആധാരമെന്ന് അദ്ദേഹം സൂചിപ്പിച്ചു. ലഹരിക്കടത്തില്‍ പിടിക്കപ്പെടുന്ന മുസ്ലീം പേരുള്ള പ്രതികളില്‍ 99 ശതമാനവും ചെറുപ്പത്തില്‍ മതപഠനം കിട്ടിയവരാണെന്നാണ് തന്റെ അന്വേഷണത്തില്‍ മനസിലായത്. എന്നിട്ടും ഇതൊക്കെ സംഭവിക്കുന്നത് കാണുമ്പോഴുള്ള മനോവിഷമം കൊണ്ടാണ് സമുദായത്തിലെ പ്രധാനികള്‍ ഒത്തുചേര്‍ന്ന ഒരു യോഗത്തില്‍ തീര്‍ത്തും സദുദ്ദേശത്തോടെ ചില കാര്യങ്ങള്‍ ഉണര്‍ത്തിയതെന്നും കെ.ടി.ജലീല്‍ പറഞ്ഞു.
