എറണാകുളം: വാര്‍ഡ് വിഭജനം നിയമപരമെന്ന് ഹൈക്കോടതി. വിവിധ ഇടങ്ങളിലെ വാര്‍ഡ് വിഭജനം റദ്ദാക്കിയ ഹൈക്കോടതി 
സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് റദ്ദാക്കി. സംസ്ഥാന സര്‍ക്കാരിന്റെ അപ്പീലിലാണ് നടപടി.
എട്ട് നഗരസഭകളിലെയും ഒരു ഗ്രാമ പഞ്ചായത്തിലെയും വാര്‍ഡ് വിഭജനമാണ് ഡിവിഷന്‍ ബെഞ്ച് ശരിവെച്ചത്. വാര്‍ഡുകളുടെ എണ്ണം തീരുമാനിക്കുന്നത് നിയമസഭയുടെ അധികാരമാണ്. നിയമസഭയുടെ അധികാരത്തില്‍ ഇടപെടാനാവില്ല. വാര്‍ഡ് പുനര്‍ വിഭജനത്തിന് സംസ്ഥാന സര്‍ക്കാരിന് അധികാരമുണ്ടെന്നും ഡിവിഷന്‍ ബെഞ്ച് നിരീക്ഷിച്ചു. 2011ലെ സെന്‍സസിന്റെ
വെളിച്ചത്തില്‍ 2015ല്‍ വാര്‍ഡ് പുനര്‍വിഭജനം നടത്തിയ തദ്ദേശസ്ഥാപനങ്ങളില്‍ ജനസംഖ്യാടിസ്ഥാനത്തില്‍ വാര്‍ഡ് പുനര്‍വിഭജനം നടത്താനാകില്ലെന്നായിരുന്നു സിംഗിള്‍ ബെഞ്ച് വിധി. ഇതാണ് ജസ്റ്റിസ് എ മുഹമ്മദ് മുഷ്താഖ്, ജസ്റ്റിസ് പി കൃഷ്ണകുമാര്‍ എന്നിവരടങ്ങുന്ന ഡിവിഷന്‍ ബെഞ്ച് റദ്ദാക്കിയത്.
സിംഗിള്‍ ബെഞ്ച് ഉത്തരവ് ഡിവിഷന്‍ ബെഞ്ച് റദ്ദാക്കി. സംസ്ഥാന സര്‍ക്കാരിന്റെ അപ്പീലിലാണ് നടപടി.എട്ട് നഗരസഭകളിലെയും ഒരു ഗ്രാമ പഞ്ചായത്തിലെയും വാര്‍ഡ് വിഭജനമാണ് ഡിവിഷന്‍ ബെഞ്ച് ശരിവെച്ചത്. വാര്‍ഡുകളുടെ എണ്ണം തീരുമാനിക്കുന്നത് നിയമസഭയുടെ അധികാരമാണ്. നിയമസഭയുടെ അധികാരത്തില്‍ ഇടപെടാനാവില്ല. വാര്‍ഡ് പുനര്‍ വിഭജനത്തിന് സംസ്ഥാന സര്‍ക്കാരിന് അധികാരമുണ്ടെന്നും ഡിവിഷന്‍ ബെഞ്ച് നിരീക്ഷിച്ചു. 2011ലെ സെന്‍സസിന്റെ
വെളിച്ചത്തില്‍ 2015ല്‍ വാര്‍ഡ് പുനര്‍വിഭജനം നടത്തിയ തദ്ദേശസ്ഥാപനങ്ങളില്‍ ജനസംഖ്യാടിസ്ഥാനത്തില്‍ വാര്‍ഡ് പുനര്‍വിഭജനം നടത്താനാകില്ലെന്നായിരുന്നു സിംഗിള്‍ ബെഞ്ച് വിധി. ഇതാണ് ജസ്റ്റിസ് എ മുഹമ്മദ് മുഷ്താഖ്, ജസ്റ്റിസ് പി കൃഷ്ണകുമാര്‍ എന്നിവരടങ്ങുന്ന ഡിവിഷന്‍ ബെഞ്ച് റദ്ദാക്കിയത്.
