ദേശീയ പാത അതോറ്ററി നിലപാടിനെതിരെ അഴിയൂർ പഞ്ചായത്തിൽ ചൊവ്വാഴ്ച ഹർത്താൽ നടത്താൻ തീരുമാനിച്ചു. കാലത്ത് ആറ് മുതൽ നാല് വരെയാണ് ഹർത്താൽ. രാഷ്ട്രീയ പാർട്ടികളും വ്യാപാരി സംഘടനകളും മഹൽ കോ ഓഡിനേഷൻ കമ്മിറ്റിയും ഹർത്താലിന് പിന്തുണ പ്രഖ്യാപിച്ചു.
കുഞ്ഞിപ്പള്ളി ടൗണിൽ അടിപ്പാത സ്ഥാപിക്കണമെന്ന ആവശ്യയുമായി പ്രക്ഷോഭം നടത്താൻ സർവ്വക്ഷി പ്രതിനിധിയോഗം തിരുമാനിച്ചു. ചൊവ്വാഴ്ച കുഞ്ഞിപ്പള്ളി ടൗണിൽ ബഹുജനറാലി നടക്കും. യോഗത്തിൽ മഹൽ കമ്മിറ്റി പ്രസിഡണ്ട് ടി.ജി നാസർ അധ്യഷത വഹിച്ചു.
അഴിയൂർ ഗ്രാമ പഞ്ചായത്ത് പ്രസിഡണ്ട് ആയിഷ ഉമ്മർ , സുജിത്ത് പുതിയോട്ടിൽ, പി. ബാബുരാജ് , യു.എ. റഹീം, എ.ടി. ശ്രീധരൻ , വി.പി. പ്രകാശൻ , പ്രദീപ് ചോമ്പാല, മുബാസ് കല്ലേരി, ഷംസീർ ചോമ്പാല, റഫീക്ക് അഴിയൂർ , ഇ.എം. ഷാജി , കെ.പി. ചെറിയ കോയ തങ്ങൾ, ഷമീർ ചാപ്പയിൽ, പി.കെ. കോയ, എ.വി. സനീദ് , വി.കെ അനിൽകുമാർ എന്നിവർ സംസാരിച്ചു.
