ഹൈദരാബാദ് : പ്രശസ്തമായ തിരുമല തിരുപ്പതി ക്ഷേത്രത്തിൽ തിക്കിലും തിരക്കിലുംപെട്ട് ആറുപേർ മരിച്ചു. നിരവധിപേർക്ക് 
ഗുരുതരമായി പരിക്കേറ്റു.. തിരുപ്പതി വിഷ്ണു നിവാസം ഭാഗത്ത് വച്ച് ഇന്ന് വൈകിട്ടോടെയാണ് ദാരുണ സംഭവം ഉണ്ടായത്. പരിക്കേറ്റവരെ സമീപത്തെ റൂയ ആശുപത്രിയിൽ പ്രവേശിപ്പിച്ചു. വൈകുണ്ഠ ഏകാദശി കൂപ്പൺ വിതരണത്തിനിടെയാണ് അപകടമുണ്ടായത്. കൂപ്പൺ വിതരണ കൗണ്ടർ തുറക്കാൻ ശ്രമിക്കുന്നതിനിടെ പെട്ടെന്ന് ആളുകൾ തള്ളിക്കയറിയതാണ് അപകടത്തിനിടയാക്കിയത്. തിരക്കിൽപെട്ട് ആളുകൾ സ്ഥലത്ത് നിന്ന് പരിഭ്രാന്തരായി ഓടുന്നതിന്റെ ദൃശ്യങ്ങളും പുറത്തുവന്നു. മരിച്ചവരിൽ മൂന്നുപേർ സ്ത്രീകളാണ്. ഇവരിൽ ഒരാൾ തമിഴ്‌നാട് സേലം സ്വദേശി മല്ലികയാണെന്ന് തിരിച്ചറിഞ്ഞിട്ടുണ്ട്. അപകടത്തെ തുടർന്ന് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു തിരുപ്പതി ദേവസ്ഥാനം
ഗുരുതരമായി പരിക്കേറ്റു.. തിരുപ്പതി വിഷ്ണു നിവാസം ഭാഗത്ത് വച്ച് ഇന്ന് വൈകിട്ടോടെയാണ് ദാരുണ സംഭവം ഉണ്ടായത്. പരിക്കേറ്റവരെ സമീപത്തെ റൂയ ആശുപത്രിയിൽ പ്രവേശിപ്പിച്ചു. വൈകുണ്ഠ ഏകാദശി കൂപ്പൺ വിതരണത്തിനിടെയാണ് അപകടമുണ്ടായത്. കൂപ്പൺ വിതരണ കൗണ്ടർ തുറക്കാൻ ശ്രമിക്കുന്നതിനിടെ പെട്ടെന്ന് ആളുകൾ തള്ളിക്കയറിയതാണ് അപകടത്തിനിടയാക്കിയത്. തിരക്കിൽപെട്ട് ആളുകൾ സ്ഥലത്ത് നിന്ന് പരിഭ്രാന്തരായി ഓടുന്നതിന്റെ ദൃശ്യങ്ങളും പുറത്തുവന്നു. മരിച്ചവരിൽ മൂന്നുപേർ സ്ത്രീകളാണ്. ഇവരിൽ ഒരാൾ തമിഴ്‌നാട് സേലം സ്വദേശി മല്ലികയാണെന്ന് തിരിച്ചറിഞ്ഞിട്ടുണ്ട്. അപകടത്തെ തുടർന്ന് ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു തിരുപ്പതി ദേവസ്ഥാനം
അധികൃതരുമായി ബന്ധപ്പെട്ടിട്ടുണ്ട്. കൂടുതൽ പൊലീസ് ഉദ്യോഗസ്ഥരെ സ്ഥലത്ത് നിയോഗിക്കാൻ മുഖ്യമന്ത്രി നിർദ്ദേശം നൽകി. പരിക്കേറ്റവർക്ക് ഉടൻ ചികിത്സ ഉറപ്പാക്കാനും കർശന നിർദ്ദേശം നൽകി. ജനുവരി പത്തിനാണ് തിരുപ്പതിയിൽ വൈകുണ്ഠ ഏകാദശി നടക്കുന്നത്. ഇതിന്റെ ഭാഗമായി വൈകുണ്ഠ ദ്വാര ദർശനത്തിനുള്ള കൂപ്പൺ വിതരണത്തിനായി 90 കൗണ്ടറുകളാണ് തുറന്നിരുന്നത്.
