വടകര: കാരവനിലെ ഇരട്ട മരണത്തിന് കാരണം ജനറേറ്ററില്‍ നിന്നുള്ള വിഷവാതകം തന്നെയെന്ന അന്തിമ നിഗമനത്തിലേക്ക് 
വിദഗ്ധരെത്തുന്നു. വിദഗ്ധ സംഘം ഇന്ന് കാരവനില്‍ നടത്തിയ പരിശോധനയില്‍ വിഷവാതകമായ കാര്‍ബണ്‍ മോണോക്സൈഡിന്റെ സാന്നിധ്യം കണ്ടെത്തി. വാഹനത്തിലെ അടച്ചിട്ട അറയില്‍ ജനറേറ്റര്‍ പ്രവര്‍ത്തിപ്പിച്ചതാവാം അപകടത്തിനിടയാക്കിയതെന്ന പ്രാഥമിക നിഗമനം ശരിവെക്കുന്ന തരത്തിലാണ് കാര്യങ്ങള്‍.
കോഴിക്കോട് എന്‍ഐടിയിലെ വിദഗ്ധരുടെ നേതൃത്വത്തിലാണ് വാഹനത്തില്‍ പരിശോധന നടത്തിയത്. വിഷവാതകത്തിന്റെ തോത് 400 പോയിന്റ് കടന്നാല്‍ ജീവഹാനി സംഭവിക്കുമെന്ന് വിദഗ്ധര്‍ പറയുന്നു. ഇന്നു നടന്ന പരിശോധനയില്‍ ജനറേറ്റര്‍
പ്രവര്‍ത്തിപ്പിച്ച് ഒരു മണിക്കൂര്‍ പിന്നിടുമ്പോഴേക്കും 400 പോയിന്റ് മറികടന്നു. ഇതാവാം മരണത്തിലേക്ക് നയിച്ചതെന്ന് ഇതിലൂടെ വ്യക്തമാവുകയാണ്. പോസ്റ്റ്മോര്‍ട്ടത്തിലും കാര്‍ബണ്‍ മോണോക്സൈഡിന്റെ സാന്നിധ്യം കണ്ടെത്തിയിരുന്നു.
വടകര പോലീസ് സ്‌റ്റേഷന്‍ വളപ്പില്‍ നിര്‍ത്തിയിട്ട വാഹനത്തില്‍ ഫോറന്‍സിക്, സയന്റിഫിക് ഉദ്യോഗസ്ഥര്‍ ഉള്‍പ്പെടുന്ന വിദഗ്ധ സംഘമാണ് മണിക്കൂറുകള്‍ നീണ്ട ശാസ്ത്രീയ പരിശോധന നടത്തിയത്. പോലീസിന്റെയും മോട്ടോര്‍ വാഹന വകുപ്പ് ഉദ്യോഗസ്ഥരുടെയും സാന്നിധ്യത്തിലായിരുന്നു പരിശോധന. സംഭവം പുനഃസൃഷ്ടിക്കും വിധത്തിലാണ് പരിശോധന നടത്തിയത്. ഇതിലൂടെ നിജസ്ഥിതി വ്യക്തമായി. വിദഗ്ധ സംഘത്തിന്റെ അന്തിമ റിപ്പോര്‍ട്ട് അടുത്ത ദിവസം ലഭിക്കുമെന്ന് വടകര സ്‌റ്റേഷന്‍
ഇന്‍സ്‌പെക്ടര്‍ എന്‍.സുനില്‍കുമാര്‍ മാധ്യമങ്ങളോട് പറഞ്ഞു.
ഡിസംബര്‍ 23 നാണ് നാടിനെ നടുക്കിയ ഇരട്ടമരണം നടന്നത്. വടകര കരിമ്പനപ്പാലം ദേശീയപാതയോരത്ത് നിര്‍ത്തിയിട്ട കാരവനില്‍ മലപ്പുറം വണ്ടൂര്‍ വാണിയമ്പലം സ്വദേശി മനോജ്, കണ്ണൂര്‍ പറശേരി സ്വദേശി ജോയല്‍ എന്നിവരെയാണ് മരിച്ച നിലയില്‍ കണ്ടെത്തിയത്. പൊന്നാനിയില്‍ കാരവന്‍ ടൂറിസം കമ്പനിയിലെ ഡ്രൈവറാണ് മനോജ്. ഇതേ കമ്പനിയിലെ ജീവനക്കാരനാണ് ജോയല്‍.
വിദഗ്ധരെത്തുന്നു. വിദഗ്ധ സംഘം ഇന്ന് കാരവനില്‍ നടത്തിയ പരിശോധനയില്‍ വിഷവാതകമായ കാര്‍ബണ്‍ മോണോക്സൈഡിന്റെ സാന്നിധ്യം കണ്ടെത്തി. വാഹനത്തിലെ അടച്ചിട്ട അറയില്‍ ജനറേറ്റര്‍ പ്രവര്‍ത്തിപ്പിച്ചതാവാം അപകടത്തിനിടയാക്കിയതെന്ന പ്രാഥമിക നിഗമനം ശരിവെക്കുന്ന തരത്തിലാണ് കാര്യങ്ങള്‍.കോഴിക്കോട് എന്‍ഐടിയിലെ വിദഗ്ധരുടെ നേതൃത്വത്തിലാണ് വാഹനത്തില്‍ പരിശോധന നടത്തിയത്. വിഷവാതകത്തിന്റെ തോത് 400 പോയിന്റ് കടന്നാല്‍ ജീവഹാനി സംഭവിക്കുമെന്ന് വിദഗ്ധര്‍ പറയുന്നു. ഇന്നു നടന്ന പരിശോധനയില്‍ ജനറേറ്റര്‍
പ്രവര്‍ത്തിപ്പിച്ച് ഒരു മണിക്കൂര്‍ പിന്നിടുമ്പോഴേക്കും 400 പോയിന്റ് മറികടന്നു. ഇതാവാം മരണത്തിലേക്ക് നയിച്ചതെന്ന് ഇതിലൂടെ വ്യക്തമാവുകയാണ്. പോസ്റ്റ്മോര്‍ട്ടത്തിലും കാര്‍ബണ്‍ മോണോക്സൈഡിന്റെ സാന്നിധ്യം കണ്ടെത്തിയിരുന്നു.വടകര പോലീസ് സ്‌റ്റേഷന്‍ വളപ്പില്‍ നിര്‍ത്തിയിട്ട വാഹനത്തില്‍ ഫോറന്‍സിക്, സയന്റിഫിക് ഉദ്യോഗസ്ഥര്‍ ഉള്‍പ്പെടുന്ന വിദഗ്ധ സംഘമാണ് മണിക്കൂറുകള്‍ നീണ്ട ശാസ്ത്രീയ പരിശോധന നടത്തിയത്. പോലീസിന്റെയും മോട്ടോര്‍ വാഹന വകുപ്പ് ഉദ്യോഗസ്ഥരുടെയും സാന്നിധ്യത്തിലായിരുന്നു പരിശോധന. സംഭവം പുനഃസൃഷ്ടിക്കും വിധത്തിലാണ് പരിശോധന നടത്തിയത്. ഇതിലൂടെ നിജസ്ഥിതി വ്യക്തമായി. വിദഗ്ധ സംഘത്തിന്റെ അന്തിമ റിപ്പോര്‍ട്ട് അടുത്ത ദിവസം ലഭിക്കുമെന്ന് വടകര സ്‌റ്റേഷന്‍
ഇന്‍സ്‌പെക്ടര്‍ എന്‍.സുനില്‍കുമാര്‍ മാധ്യമങ്ങളോട് പറഞ്ഞു.ഡിസംബര്‍ 23 നാണ് നാടിനെ നടുക്കിയ ഇരട്ടമരണം നടന്നത്. വടകര കരിമ്പനപ്പാലം ദേശീയപാതയോരത്ത് നിര്‍ത്തിയിട്ട കാരവനില്‍ മലപ്പുറം വണ്ടൂര്‍ വാണിയമ്പലം സ്വദേശി മനോജ്, കണ്ണൂര്‍ പറശേരി സ്വദേശി ജോയല്‍ എന്നിവരെയാണ് മരിച്ച നിലയില്‍ കണ്ടെത്തിയത്. പൊന്നാനിയില്‍ കാരവന്‍ ടൂറിസം കമ്പനിയിലെ ഡ്രൈവറാണ് മനോജ്. ഇതേ കമ്പനിയിലെ ജീവനക്കാരനാണ് ജോയല്‍.
