ഹൈദരാബാദ്: തുടര്‍ച്ചയായ മൂന്നാം ജയത്തോടെ കേരളം സന്തോഷ് ട്രോഫി ക്വാര്‍ട്ടര്‍ ഫൈനലില്‍ കടന്നു. ഗ്രൂപ്പ് ബിയില്‍ 
ഒഡീഷയെ എതിരില്ലാത്ത രണ്ടു ഗോളിന് തകര്‍ത്താണ് കേരളത്തിന്റെ മുന്നേറ്റം.
ഡെക്കന്‍ അരീന സ്റ്റേഡിയത്തില്‍ നടന്ന മത്സരത്തില്‍ ഓരോ പകുതിയിലും ഓരോ ഗോള്‍ വീതമാണ് കേരളം നേടിയത്. 40-ാം മിനിറ്റില്‍ മുഹമ്മദ് അജ്‌സലും 54-ാം മിനിറ്റില്‍ നസീബ് റഹ്‌മാനുമാണ് ഗോളുകള്‍ നേടിയത്.
ടൂര്‍ണമെന്റില്‍ അജ്സലിന്റെ മൂന്നാം ഗോളും നസീബിന്റെ രണ്ടാം ഗോളുമാണ് ഇന്നു പിറന്നത്. അതേസമയം, ഒഡീഷയുടെ ആക്രമണങ്ങളെ ചെറുത്തുനിന്ന് കേരളത്തിന് വിജയം സമ്മാനിച്ച ക്യാപ്റ്റന്‍ സഞ്ജു ഗണേഷ് ആണ് കളിയിലെ താരം.
ഗ്രൂപ്പ് ബിയില്‍ രണ്ടു കളികള്‍ ബാക്കി നില്‍ക്കെയാണ് ഒന്‍പതു പോയിന്റുമായി കേരളം ക്വാര്‍ട്ടര്‍ ഉറപ്പാക്കിയത്. കേരളം ആദ്യ
മത്സരത്തില്‍ ഗോവയെ 4-3നും രണ്ടാം മത്സരത്തില്‍ മേഘാലയയെ 1-0നും തോല്‍പ്പിച്ചിരുന്നു. ഇനി 22ന് ഡല്‍ഹിയേയും 24ന് തമിഴ്‌നാടിനെയുമാണ് കേരളത്തിനു നേരിടേണ്ടത്.
ഒഡീഷയെ എതിരില്ലാത്ത രണ്ടു ഗോളിന് തകര്‍ത്താണ് കേരളത്തിന്റെ മുന്നേറ്റം.ഡെക്കന്‍ അരീന സ്റ്റേഡിയത്തില്‍ നടന്ന മത്സരത്തില്‍ ഓരോ പകുതിയിലും ഓരോ ഗോള്‍ വീതമാണ് കേരളം നേടിയത്. 40-ാം മിനിറ്റില്‍ മുഹമ്മദ് അജ്‌സലും 54-ാം മിനിറ്റില്‍ നസീബ് റഹ്‌മാനുമാണ് ഗോളുകള്‍ നേടിയത്.
ടൂര്‍ണമെന്റില്‍ അജ്സലിന്റെ മൂന്നാം ഗോളും നസീബിന്റെ രണ്ടാം ഗോളുമാണ് ഇന്നു പിറന്നത്. അതേസമയം, ഒഡീഷയുടെ ആക്രമണങ്ങളെ ചെറുത്തുനിന്ന് കേരളത്തിന് വിജയം സമ്മാനിച്ച ക്യാപ്റ്റന്‍ സഞ്ജു ഗണേഷ് ആണ് കളിയിലെ താരം.
ഗ്രൂപ്പ് ബിയില്‍ രണ്ടു കളികള്‍ ബാക്കി നില്‍ക്കെയാണ് ഒന്‍പതു പോയിന്റുമായി കേരളം ക്വാര്‍ട്ടര്‍ ഉറപ്പാക്കിയത്. കേരളം ആദ്യ
മത്സരത്തില്‍ ഗോവയെ 4-3നും രണ്ടാം മത്സരത്തില്‍ മേഘാലയയെ 1-0നും തോല്‍പ്പിച്ചിരുന്നു. ഇനി 22ന് ഡല്‍ഹിയേയും 24ന് തമിഴ്‌നാടിനെയുമാണ് കേരളത്തിനു നേരിടേണ്ടത്.
