ഷൊര്ണൂര്: സിനിമ, സീരിയല് നടി മീന ഗണേഷ് (82) അന്തരിച്ചു. വാര്ധക്യ സഹജമായ അസുഖത്തെ തുടര്ന്ന്
ചികിത്സയിലിരിക്കെ ഇന്ന് പുലര്ച്ചെയാണ് അന്ത്യം. നൂറിലധികം സിനിമകളിലും ഒട്ടേറെ സീരിയലുകളിലും അഭിനയിച്ചിട്ടുണ്ട്. നാടക രംഗത്ത് നിന്നാണ് സിനിമയിലേക്ക് മീന ഗണേഷ് അരങ്ങേറ്റം കുറിക്കുന്നത്. വാസന്തിയും ലക്ഷ്മിയും പിന്നെ ഞാനും, വാല്ക്കണ്ണാടി, നന്ദനം, മീശമാധവന്, പുനരധിവാസം തുടങ്ങിയ ഓട്ടേറെ ചിത്രങ്ങളില് ശ്രദ്ധേയമായ വേഷങ്ങള് ചെയ്തിട്ടുണ്ട്. സിനിമാ നാടക നടന് എ.എന്.ഗണേശിന്റെ ഭാര്യയാണ്.
1942ല് പാലക്കാട് കല്ലേക്കുളങ്ങരയിലാണ് മീന ഗണേഷ് ജനിച്ചത്. തമിഴ് സിനിമകളില് അഭിനയിച്ചിരുന്ന നടന് കെ.പി.കേശവന്റെ
മകളാണ്. സ്കൂള് പഠനകാലത്ത് കൊപ്പം ബ്രദേഴ്സ് ആര്ട്ട്സ് ക്ലബിലൂടെയാണ് മീന ആദ്യമായി നാടകരംഗത്തെത്തുന്നത്. 1976ല് റിലീസായ മണിമുഴക്കം എന്ന ചിത്രത്തില് ചെറിയ വേഷം ചെയ്തുകൊണ്ടാണ് സിനിമയിലേക്കുള്ള വരവ്. 1991ലെ മുഖചിത്രം എന്ന ചിത്രത്തില് പാത്തുമ്മ എന്ന കഥാപാത്രത്തെ അവതരിപ്പിച്ചതോടെയാണ് മീന ഗണേഷ് സിനിമ രംഗത്ത് ശ്രദ്ധ നേടിയത്. സീരിയല് സംവിധായകനായ മനോജ് ഗണേഷ്, സംഗീത എന്നിവരാണ് മക്കള്. സംസ്കാരം വൈകിട്ട് ഷൊര്ണൂര് ശാന്തീതീരത്ത്.

1942ല് പാലക്കാട് കല്ലേക്കുളങ്ങരയിലാണ് മീന ഗണേഷ് ജനിച്ചത്. തമിഴ് സിനിമകളില് അഭിനയിച്ചിരുന്ന നടന് കെ.പി.കേശവന്റെ
