കൊച്ചി: സർക്കാർ പുറപ്പെടുവിച്ച വാർഡ് വിഭജന ഉത്തരവ് റദ്ദാക്കി ഹൈക്കോടതി. എട്ട് നഗരസഭകളിലെയും ഒരു 
പഞ്ചായത്തിലെയും വാർഡ് വിഭജനമാണ് കോടതി റദ്ദാക്കിയിരിക്കുന്നത്. തദ്ദേശ തിരഞ്ഞെടുപ്പിന് മുന്നോടിയായി വിവിധയിടങ്ങളിൽ വാർഡ് വിഭജനം പൂർത്തിയാക്കി വരികയാണ് സർക്കാർ. ഇതിനിടെയാണ് തിരിച്ചടി ഉണ്ടായിരിക്കുന്നത്. പയ്യോളി, പാനൂർ, മട്ടന്നൂർ, ശ്രീകണ്‌ഠാപുരം, കൊടുവള്ളി, മുക്കം, ഫറൂക്ക്, പട്ടാമ്പി എന്നീ നഗരസഭകളിലെയും പടന്ന ഗ്രാമപഞ്ചായത്തിലെ വാർഡ് വിഭജനവുമാണ് കോടതി റദ്ദാക്കിയത്.
പഞ്ചായത്തിലെയും വാർഡ് വിഭജനമാണ് കോടതി റദ്ദാക്കിയിരിക്കുന്നത്. തദ്ദേശ തിരഞ്ഞെടുപ്പിന് മുന്നോടിയായി വിവിധയിടങ്ങളിൽ വാർഡ് വിഭജനം പൂർത്തിയാക്കി വരികയാണ് സർക്കാർ. ഇതിനിടെയാണ് തിരിച്ചടി ഉണ്ടായിരിക്കുന്നത്. പയ്യോളി, പാനൂർ, മട്ടന്നൂർ, ശ്രീകണ്‌ഠാപുരം, കൊടുവള്ളി, മുക്കം, ഫറൂക്ക്, പട്ടാമ്പി എന്നീ നഗരസഭകളിലെയും പടന്ന ഗ്രാമപഞ്ചായത്തിലെ വാർഡ് വിഭജനവുമാണ് കോടതി റദ്ദാക്കിയത്.
മുസ്ലിം ലീഗ് കൗണ്‍സിലര്‍മാര്‍ നല്‍കിയ ഹര്‍ജിയിലാണ് നടപടി. 2011ലെ സെന്‍സസ് പ്രകാരം 2015ല്‍ വാര്‍ഡ് വിഭജനം നടന്നതാണ്. 
പുതിയ സെന്‍സസ് വരാതെ വീണ്ടും വാര്‍ഡ് വിഭജനത്തിന് സാധ്യതയില്ല എന്നാണ് കൗണ്‍സിലര്‍മാര്‍ വാദിച്ചത്. ഈ ആവശ്യം കോടതി അംഗീകരിച്ചു. ഇതോടെ സര്‍ക്കാര്‍ ഡീലിമിറ്റേഷന്‍ കമ്മിഷന്‍ ഉത്തരവ് പ്രകാരം നടത്തിയ വാര്‍ഡ് വിഭജനം നിയമവിരുദ്ധമാണെന്നും മാനദണ്ഡങ്ങള്‍ പാലിച്ചില്ലെന്നും കോടതി കണ്ടെത്തുകയായിരുന്നു.2015ല്‍ വാര്‍ഡ് വിഭജനം നടന്നെങ്കിലും അന്ന് പഞ്ചായത്തുകളിലെ വിഭജനം കോടതി തടഞ്ഞിരുന്നില്ല. എന്നാല്‍ ഇത്തവണ നഗരസഭകളിലെ വിഭജനം തെറ്റെന്ന് കണ്ടെത്തിയിരിക്കുകയാണ്. പല പഞ്ചായത്തുകളിലും നഗരസഭകളിലും വാര്‍ഡ് വിഭജനത്തില്‍ വ്യാപക പരാതിയുണ്ട്. ഇതിനിടെയാണ് കോടതിയില്‍ നിന്ന് സര്‍ക്കാരിന് തിരിച്ചടി നേരിട്ടിരിക്കുന്നത്.
