തിരുവങ്ങൂര്‍: അശാസ്ത്രീയ വികസന പ്രവര്‍ത്തനങ്ങള്‍ ജനങ്ങള്‍ക്ക് എക്കാലവും ദുരിതം മാത്രമേ സമ്മാനിച്ചിട്ടുള്ളൂവെന്ന് മുന്‍ 
മന്ത്രി പി.കെ.കെ.ബാവ പറഞ്ഞു. പ്രദേശവാസികളെ വട്ടം കറക്കുന്ന ജില്ലാ ഭരണകൂടവും നാഷണല്‍ ഹൈവേ അധികാരികളും കണ്ണു തുറക്കുക എന്ന ആവശ്യം ഉന്നയിച്ച് പന്തലായനി ബ്ലോക്ക് പഞ്ചായത്ത് മെമ്പര്‍ എം.പി മൊയ്തീന്‍ കോയ തിരുവങ്ങൂര്‍ ദേശീയ പാത പരിസരത്ത് നടത്തിയ ഉപവാസ സമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഈ പ്രദേശത്തെ ജനങ്ങളുടെ സുഗമമായ സഞ്ചാരത്തിന് തടസം സൃഷ്ടിച്ച്‌കൊണ്ട് അധികാരികള്‍ അവരുടെ ദുരിതം കണ്ടില്ലെന്ന് നടിക്കരുതെന്ന് പി.കെ.കെ.ബാവ പറഞ്ഞു.
ഗ്രാമപഞ്ചായത്ത് മെമ്പര്‍ വത്സല പുല്ല്യത്ത് അധ്യക്ഷത വഹിച്ചു. അത്തോളി പഞ്ചായത്ത് പ്രസിഡന്റ് ബിന്ദു രാജന്‍, മുസ്ലിം ലീഗ് ജില്ലാ 
ജനറല്‍ സെക്രട്ടറി ടി.ടി.ഇസ്മായില്‍, സെക്രട്ടറി റഷീദ് വെങ്ങളം, കെപിസിസി മെമ്പര്‍ രാമചന്ദ്രന്‍, ബ്ലോക്ക് കോണ്‍ഗ്രസ് പ്രസിഡന്റ് മുരളി തോരോത്ത്, ജില്ലാ പഞ്ചായത്ത് മെമ്പര്‍ നാസര്‍ എസ്റ്റേറ്റ് മുക്ക്, പൂക്കാട് കലാലയം പ്രസിഡന്റ് യു.കെ രാഘവന്‍, തിരുവങ്ങൂര്‍ എച്ച്എസ്എസ് പി.ടി.എ പ്രസിഡന്റ് കെ.കെ ഫാറൂഖ്, ഓട്ടോ കോര്‍ഡിനേഷന്‍ ഭാരവാഹി മധു കണ്ണഞ്ചേരി, കെ-റെയില്‍ വിരുദ്ധ സമിതി ഭാരവാഹി നസീര്‍ ന്യൂജെല്ല, സി.എഫ്.കെ സെക്രട്ടറി സക്കറിയ പള്ളിക്കണ്ടി, സമദ് പൂക്കാട്, ശശിധരന്‍ കുനിയില്‍, അനസ് കാപ്പാട്, ആലിക്കോയ നടമ്മല്‍, ആലിക്കോയ പൂക്കാട്, പഞ്ചായത്ത് മെമ്പര്‍മാരായ വി.കെ ഹാരിസ്, ഷരീഫ്, അബ്ദുല്ലക്കോയ വലിയാണ്ടി, എം. കെ മുഹമ്മദ് കോയ, റസീന ഷാഫി, രാജലക്ഷ്മി, പ്രൊഫ: അബൂബക്കര്‍ കാപ്പാട്, എ.പി.പി തങ്ങള്‍, തിരുവങ്ങൂര്‍ ജുമാ 
മസ്ജിദ് ഖത്തീബ് എസ്.കെ അബൂബക്കര്‍ ബാഖവി, അഷറഫ് പി.പി, എം.കെ മുസ്തഫ, ഉണ്ണികൃഷ്ണന്‍ പൂക്കാട്, ബിജു കാവില്‍, ആസിഫ് കലാം, വി.വി ഷമീര്‍, സാദിക്ക് അവീര്‍, മന്‍സൂര്‍ കളത്തില്‍, മുനീര്‍ കാപ്പാട്, ശ്രീജ കണ്ടിയില്‍, പി.പി ശ്രീജ, തസ്ലീന കബീര്‍, സാജിദ് കാട്ടിലപീടിക എന്നിവര്‍ സംസാരിച്ചു.
തിരുവങ്ങൂര്‍ ഹയര്‍ സെക്കന്ററി സ്‌കൂളിലെ അധ്യാപക പ്രതിനിധികള്‍ പന്തലിലെത്തി സമരത്തിന് ഐക്യദാര്‍ഡ്യം അറിയിച്ചു. കെ.പി.സി.സി ജനറല്‍ സെക്രട്ടറി അഡ്വ. പി.എം നിയാസ് ബ്ലോക്ക് പഞ്ചായത്ത് മെമ്പര്‍ എം.പി മൊയ്തീന്‍ കോയക്ക് നാരങ്ങാനീര് നല്‍കി ഉപവാസം അവസാനിപ്പിച്ചു.
